بوگون ایرتلب تانگ وقتی بیلن ساعت 8 اطرافید کابل نینگ زنبق چهار راهه سیده جایلشگن ایران ایلچیلیگی قرشیسیده بیر انتحاری هجوم صادر ایتیلدی. هجومده ترکیه نینگ بیر فقراسی هلاک بولدی.
امنیتی اداره لر رسمیلری، ایرتلب ساعت 8 ده انتحاری هجومچی کرولا تیپلی موترگه جایلشتیریلگن پارتلاوچی ماده نی ایران ایلچلیگی قرشیسیده پارتله تیب یوبارگن لیگی نی تیلگه الدیلر. هجوم ترکیه لیک دیپلوماتلر موتری یانیده پارتله تیلگن.
افغانستان ایچکی ایش لر وزیرلیگی نینگ معاونی جنرال محمد ایوب سالنگی، خودکش هجومچی پارتلاوچی ماده گه تولدیریلگن موترینی ایران ایلچیلگی مقابلیده پارتله تیب یوبارگن لیگی نی تیلگه آلگن. شونینگ دیک سالنگی انتحارچی موتری قوشیمچه واقعه ده باشقه ایکی موتر اورته دن کیتگن لیکی نی بیلدیرگن.
حادثه ترکیه لیک بیر کیشی هلاک بولگن. ایتیلیشیچه، بیر انسان تن جراحتی آلگن. عین حالده، محلده گی عینی گواه لر پارتلش ده تورت کیشی یره لنگن لیگی نی ایتگنلر.
بیرینچی مرته قوراللی طالب لر ترکیه لیک ملازم لرنی هجوم گه توته دی. بوگون ایرتلب که صادر ایتیلگن حادثه یقینیده ایران ایلچیلیگی شامل بیر رستورانت و بیر بانک جایلشگن.
هجوم مسوولیتی نی جنگری طالب لر گروهی اوز ذمه سیگه آلگن. طالب لر تامانی هجوم خلق ارا کوچلری کاروانی گه ضد اویوشتیریلگن لیگی نی ایتگن لر.
