افغانستان جمهور رییسی داکتر محمد اشرف غنی و امریکا مدافعه وزیری بوگون بیر خبری انجمنده اشتراک قیلدی. کنفرانسده چیقیش قیلگن امیریکه نینگ یقینده تیعن ایتیلگن مدافعه وزیری اشتون کارتر، امریکا قوشمه ایالتلری افغانستاندهگی حربی قوشینلری قالیش زمانی قیته کوریب چیقیلیشی باره سیده خبر بیردی.
جناب اشتون کارترگه کوره، امنیتی تامین ایتیلگن همده رواجلنگن بیر افغانستان امیریکه قوشمه ایالتلری نینگ بیرینچی ایستکلریدن دیر. اونینگ تاکیدله شیچه، افغانستاننی ترک قیله دیگن خلق ارا کوچلری چیقیش جدولی قیته کوریب چیقیلیشی ممکن.
مملکتدن خلق ارا کوچلری آلیب چیقیلیشی بیلن بیرگه افغانستان خوفسیزلیک وضعیتی بوزیلیشگه یوز توتگن حالده، امریکا بو توغریده گی قراریگه اوزگریش کیرتهدی. بوندن آلدین افغانستانده خلق ارا کوچلری نینگ سابق باش قوماندانی جنرال جوزف دانفورد، 2014- ییلدن سونگ امیریکه رهبرلیگیدهگی خارجی حربی قوشینلر افغانستاندن آلیب چیقیلیشی اوچون آق اویگه ایکی گزینه تکلیف قیلگن ایدی.
امیریکه قوشمه ایالتلری نینگ حربی ماموریتی بو مملکتده اوز پایانیگه ایریشیشی بیلن 10 مینگ حربی عسکر قالیشی، یا – ده خلق ارا کوچلری بوتونلی آلیب کیتیلیشیدن عبارت ایدی. عین حالده، افغانستان جمهور رییسی داکتر محمد اشرف غنی مملکت خوفسیزلیک وضعیتی نظرده توتیلگن تقدیرده، امیریکه دولتی حربیلرینی آلیب چیقیش لایحه سینی قیته کوریب چیقیشینی ایتگن ایدی.
ایتیلیشچه، 2014- ییل پایانیگه قدر امیریکه لیک 37500 و ناتوگه اعضا مملکتلرنینگ 19000 حربی عسکری افغانستانده ترورچیلیککه قرشی کورهش بوییچه وظیفه بجرگن. مذکور حربی قوشین نینگ برچه سی 2014- ییل دسامبر آیی نینگ آخریگچه افغانستاننی ترک قیلیشی کوتیلردی؛ اما، امیریکه جمهور رییسی بارک اوباما مذکور حربی لرنینگ 10 مینگی 2016- ییل پایانیگچه بو مملکتده قالیشینی اعلان قیلدی.
ییغینده سوزله گن مملکت رهبری جناب غنی افغان ملی کوچلرینی آلیقیشله گن. اونگه کوره، مملکتده تینچلیک و برقرارلیک اورنه تیلیشی اوچون افغان ملی کوچلری سان سیز قربانلیک بیریشگن. جمهور رییس نینگ ایتیشیچه؛ ترورچیلر افغانستان و امیریکه نینگ قوشمه دشمنی دیر، بو پدیده بوتونلی ایلدیزدن یوق قیلینیشی اوچون امیریکا قوشمه ایالتلری اوزاق مدتگچه افغانستان حکومتینی هر تامانلمه حمایت قیلیشگه توغری کیلهدی.
شونینگ دیک جناب رییس جمهور، افغانستانلیک حربی کوچلرنینگ وظیفه سی اولکه یولیده قربانلیک بیریش ایدی دییه ایتگن. بیراق، بیز امیریکه رهبرلیگیدهگی خلق ارا کوچلری افغانستانده مهمان صفتیده ترورچیلیککه قرشی کوره ش همده بو مملکتده تینچلیک اورنه تیلیش یولیده شیرین جانللرینی قربان قیلگن لیکلری اوچون منتدارلیک قیلیشگن.
شو کبی اشتون کارتر، افغانستانده دایمی بیر برقرارلیک اورنه تیلگونگه قدر، کیچه و کندوز تینیم سیز ایش قیلیشینی بیلدیرگن. عین حالده، کارتر افغانستان جمهور رییسی داکتر محمد اشرف غنی و اجراییه باشلیغی داکتر عبدالله عبدالله لرنینگ امیریکه گه قیله جک سفریده خلق ارا کوچلرنی افغانستانده قالیش مسله سی آچیقله نیشیگه امید بیلدیرگن. جمهور رییس غنی، امیریکه قوشمه ایالتلریگه قیله جک سفریده ایکله مملکت اورته سیده گی ینگی همکارلیکلر موضوعی باره سیده بحث قیلیشی ممکن لیگینی ایتگن.
