افغانستان‌لیک سیاسی تحلیل‌چی وحید مژده، ملا گل آغا، ملاعباس و ملا جلیل‌لر مذکور ییغین‌ده اشتراک قیلگن تقدیرده، بو قورال‌لی طالبلر اورته سیده ینگی‌دن آچیلگن بیر شکست بولگن لیگی‌نی ایتگن. اونگه کوره، طالبلر آلدینگی رهبریتی‌نی قولدن بیریشگن.
پاکستان عاموی اخبارات واسطه‌لری‌نینگ گزارش قیلیشی‌چه، پاکستان سعی و حرکتی نتیجه سیده ملی بیرلیک حکومتی‌نینگ رهبری و طالبلر نماینده سی دبی ییغینی‌ده اشتراک قیلگن. پاکستان اکسپرس‌نیوز میدیاسی‌نینگ گزارشی‌گه کوره، افغانستان حکومت رسمی‌لری وطالب‌لر نماینده‌لر اورته سیده مذاکره باشلنگن.
منبع‌نینگ پاکستان تشقی ایش‌لر وزیرلیگی‌نینگ سوزچی‌سی تسنیم اسلم اساسلب یازیشیچه، پاکستان دولتی طالبلر بیلن افغانستان حکومتی اورته سیده مذاکره اوتکزیش اوچون شرایط یره ته‌دی. پاکستان تشقی ایش‌لر وزیرلیگی نینگ سوزچی‌سی اوشبو خبرنی رد یا تصدیق لمه‌گن. گزارش‌لرده، ییغین‌ده ملاگل آغا، ملا عباس و ملا جلیل آخوندلر، طالب‌لرنماینده لیگی‌ده اشتراک قیلگنی قید ایتیلگن.
جیش‌المسلمین گروهی نینگ رییسی اکبر آغا سلام وطندار بیلن بولگن صحبت‌ده، مذکور ییغین باره سیده خبر سیز ایکن لیگی‌نی ایتگن. اما، او بو باره‌ده سعی حرکت‌لر باشلنگن لیگی‌نی تیلگه آلگن. اکبر آغا نینگ بیلدیریشیچه، بوندن آلدین‌لر طالبلر بیلن مذاکره اوتکزیلیشی باره سیده خواطر بیلدیرگن مملکت‌لر حاضر بو مذاکره‌نی خوش قرشی‌له گن
اکبر آغا؛ ملا گل آغا، ملاعباس و ملا جلیل‌لر طالبلر حرکتی ایچی‌ده صلاحیت‌لی شخص‌لر بولگن لیگی‌نی ایتگن. اونگه کوره، بولر افغانستان دولتی بیلن مذاکره اوتکزیش‌گه تیار بولگن تقدیر ده، طالبلر اوشبو قرارنی خوش قرشیلی‌دیلر. ملاجلال طالبلر زمانی‌دن مذکور توزوم تشقی ایش‌لر وزیرلیگی‌نینگ سیاسی اورین باسری حثی‌ده خذمت قیلگن. حاضر ایسه، طالبلر مرکزی کینگشی نینگ فعال اعضالری‌دن. شونینگ دیک ملا گل‌آغا طالبان توزمی نینگ ساغلق‌نی سقلش وزیری و ملاعباس استانکزی طالب‌لرنینگ مالی مسوولی صفتیده ایش‌له گن.
ایریم منبع‌لرنینگ معلوم قیلیشی‌چه، ملامحمدعمر وملا اختر اورته سیده تاپیگن قرمه قرشی‌لیک‌لر ملا اختر رهبرلیگی‌ده‌گی گروه افغانستان حکومتی بیلن کیلیش‌گن. ملا اختر رهبرلیگی‌ده‌گی گروه دایم پاکستان دولتی تامانیدن افغانستان حکومتی بیلن مذاکره قیلیش‌ده اوندلگن.
وحید مژده نینگ سلام طندارگه بیلدیریشیچه، قطرده امیریکه دولتی طالبلر حرکتی‌گه 2016 – ییل آخری‌ده افغانستان‌نی بوتونلی ترک قیلیش‌لری حقیده سوز بیرگن. مژده گه کوره، طالبلر امیریکه نینگ 2016- ییل آخری‌ده ترک قیلیش‌لری حقیده ایشانمی‌دیلر.
ایریم منبع‌لر، بوندن نیچه وقت آلدین ملاعباس بیرلشگن ملت‌لر تشکیلاتی‌نینگ نماینده سی بیلن ایریم موردلر باره سیده فکر المشتیرگنی قید قیلگن.
عین حالده، افغانستان عالی تینچ‌لیک کینگه‌یشی افغانستان آلدینکی جمهور رییسی حامد کرزی تکلیفی اساسی‌ده آلیب باریلگن تینچ‌لیک مذاکره‌لر باره سیده قندی دیر آلغه سیلجیش‌لر یوز بیرگن و بیرمه گن‌لیگی حقیده خبر سیز ایکن لیگی‌نی اتگن. عالی تینچ‌لیک کینگشی نینگ سوزچی‌سی شهزاده شاهد سلام وطندارگه، سونگی پیت‌لرده افغانستان حکومتی طالبلر بیلن مذاکره قیلگن‌لیگی حقیده بی‌خبر لیگی‌نی تیلگه آلگن. اما، بوندی اوچره شیش‌لر بارلیگی‌نی رد قیلمه گن.
عین حالده، افغانستان جمهور رییسی محمد اشرف غنی جنوری آیی نینگ 22 سیده یوقاری مرتبه‌لی بیر هئیت باشچیلیگی‌ده عرب امیریکه‌لیک‌لر دولتی‌گه سفر قیلیب، ایریم موضوع‌لر جمله‌دن طالبلر بیلن مذاکره اوتکزیش مساله سینی محاکمه قیلگن ایدی.
