د بادغیس ولایت د ابکمرې ولسوالۍ ولسوال میرزاعلي سلام وطندار ته وویل، چې د ملياردو یو سرتېري د «اسحاق پهلوان» په نامه د طالبانو له یو قوماندان سره له لارې جوړولو وروسته د شپې ناوخته مهال د دې ولایت د ابکمرې ولسوالۍ اړوند د ملياردو په یوې امنیتي پوستې برید کړی او ۱۰ سرتېري یې له وسلو سره وړي دي.
د ابکمرې ولسوال دا هم وویل، چې دې پوسته کې شاوخوا ۱۰ سرتېري موجود وو.
هغه زیاته کړه، امنیتي ځواکونو د دې سرتېرو د راخوشې کولو په پار څېړنې پيل کړېدي.
د بادغیس د والي ویاند ظاهر بهاند د دې سرتېرو برمته کول په طالبانو کې د یو نفوذي سرتېرې جوړجاړی بولي او وايي، چې تر اوسه د برمته شویو سرتېرو برخلیک نهدی معلوم؛ خو د پيدا کولو او راخوشې کولو لهباره یې هڅې روانې دي.
طالبانو تر اوسه پهدې اړه څه نهدي ویلي.
