.jpg)
د اوسني کرکټ تیز اسټرالوي بالر مېچل سټارک له نږدې ۷ میاشتو ځنډ وروسته یو ځل بیا نړیوال کرکټ ته ورستون شو.
مېچل سټارک اسټرالیا ته د ۲۰۱۵ کال پنځوس اوریزه کرکټ نړیوال جام په ګټلو کې مهم لوبغاړې و، چې د تېر کال په نومبر میاشت کې ټپي شو.
مېچل سټارک د وروستي ځل له پاره تېر کال د نیوزیلینډ په کوربتوب له کوربه لوبډلې سره د لوبې پر وخت ټپي شو، چې تر اوسه له نړیوال کرکټه لرې پاتې و.
چپ لاسې ویروونکې تیز بالر مېچل سټارک د هندوستان په تېر اتم پړاو (ای، پي، ایل) سیالیو کې د بنګلور لوبډلې له پاره مهم بالر و.
سټارک سږ کال په ۹ پړاو (ای، پي، ایل) سیالیو کې د بنګلور لوبډلې په ګټه لوبې ونه شوې کړی.
مېچل سټارک د خپلې پښې د ټپونو د درملنې تر څنګ د اسټرالوۍ ښځینه کرکټ ملي لوبډلې ویکټ ساتوونکې لوبغاړې ایلیسا هیلي سره واده وکړ.
د اسټرالیا کرکټ لوبډله او د دې لوبډلې کپټان سټیون سمت خوښ دې او وايي، چې د دغه چپ لاسي بالر په راتګ سره به اسټرالیا کرکټ لوبډله لا پیاوړې شي.
دوی وايي، چې د سټارک په راتګ سره به کوربه ویسټ انډيزۍ او سوېلي افریقايي لوبډلې ته د راتلونکې جون میاشتې درې اړخیزه سیریز لوبې سختې شي.
مېچل سټارک اوسمهال ۲۶ کاله عمر او نیږدې ۲ میتره قد لري، چې له ۲۰۱۰ کال راهیسې د اسټرالیا له پاره د۴۶ ورځنیو کرکټ سیالیو ترڅنګ په ۲۵ ټیسټ او ۲۰ نړیوالو شل اوریزو لوبو کې لوبېدلی دی.
