د نړۍ وتلی فزیک پوه البرت انشتین د لیکونو ټولګه د امریکا په کالفرونیا ایالت کې داوطلبۍ ته وړاندې شوه، چې له ۴۵۰ زره امریکايي ډالرو نه په لوړه بیه و پلورل شوه.
دغه لیکنې د پنجشنبې په ورځ د (جوزا په ۲۱مه) داوطلبۍ ته وړاندې شوې وه.
د انشتین لیکنې دده د هغه له شخصي او لوړو بیو اثارو نه و، چې د (انسټوري پروفایل) له خوا پلور ته وړاندې شول.
په دغو لیکونو کې د انشتین باور په خدای او زوی ته د هندسې د علم په اړه نصیحت، د بخار ماشین او د لوبو سامان یې منځپانګه وه.
په دغې ټولګه کې ۲۷ لیکونه شامل و او په انګلیسي او الماني ژبه لیکل شوي و.
د انسټوري پروفایل بنسټ اېښودونکی جوزف مادالنا وايي، "موږ ټول په دې پوهیږو، چې ده څه کړي دي او د نسبیت نظرې په اساس یې نړۍ ته بدلون ورکړی دی".
خو دغه لیکونه موږ ته د سکې بل لورۍ په ګوته کوي.
یعنی د ده اړیکه له خپلو زامنو سره څه ډول وه؟ او د ده باور په خدای؟
په دغو لیکونو کې انشتین له یوه زوی نه غوښتنه کوي هندسه په جدي توګه مطالعه کړي.
نوموړي په بل لیک د یوې ملګرې سره د زړه خواله کوي، چې په تازه ګۍ یې خاوند ورسره خیانت کړی دی.
په ورته وخت کې په یوه لیک کې د ۷۰ کلن تره د پیدایښت ورځې مبارکي ورکړې.
دی په ټوله کې په دې لیکونو کې د ډالۍ شوي بخار موټر په اړه لیکي، چې کلونو وړاندې ورته وکړل شوی و دغه موټر ورته یو نړۍ علم راوړ.
انشتین په یوه لیک کې ویلي و، دی په خدای باور لري او دغه خبره یې رد کړې وه چې دی کافر دی.
د Profile in History بنسټ دغه لیکونه په ۴۲۰ زره او ۶۲۵ امریکايي ډالرو په بیه و پلورل.
د دغو لیکونو له ډلې نه هغه لیک چې انشتین د نسبیت نظریې او اټوم بمب په اړه خپل زوی ته لیکلی و په ۶۲ زره او ۵۰۰ ډالره و پلورل شو.
له دې مخکې په ۲۰۰۶ کال کې د انشتین د ځوانۍ پېر یو لیک موندل شوی و چې په ۵۰۰ امریکايي ډالرو وپلورل شو.
په همدې ډول په ۲۰۱۱ کال کې د دې مشهور فزیک پوه یو لیک چې په ۱۹۳۹ کال کې لیکل شوی و په ۱۴ زره ډالره و پلورل شو.
نوموړي په دغه لیکنه کې د یو امریکايي سوداګر ستاینه یې کړې وه، چې یهودان یې د نازيانو له ظلم نه خلاصول.
البرت انشتین د مارچ په ۱۸۷۹ کال کې د المان په اولم ښار کې زیږیدلی دی په ۱۹۲۱ کال کې یې د فزیک نوبل جایزه تر لاسه کړه او د اپریل په ۱۸مه په ۱۹۵۵ کال کې د امریکا په پرنستون ښار کې مړشو.
