عدلیه وزیرلیگی‌نینگ رسمی‌لری، اوتمیش آلتی آی جریانیده دولتی ییرلر غصب قیلینگن دوسیه‌لریدن 403 ته‌سینی تیکشیرگن، بولردن 931 جریب غصب قیلینگن ییرنی قیب آلیشگه حکومت کوچ سیزلیک قیلگن.
بوگون (دوشنبه) عدلیه وزیرلیگی سوزلاوچیسی محمدامان ریاضت نینگ «عامه بارلیک‌لر و حق‌لردن مدافعه قیلیش» عنوانیده آلینگن اولتیریشده ایتیشیچه، 9439 جریب ییر دوسیه‌لری دولت نفعی‌گه تمام بولگن، بیراق قالگن 931 جریب ییر دولت نینگ نقصی‌گه تمام بولگن.
جناب ریاضت نینگ ایتیشیچه، جمهور رییس بویروغی اساسیده دولت ییرلرنی غصب قیلگن‌لر اسمینی فاش قیله آلمیدی و شو اوچون «ملی منفعت‌لرگه قرشی» بولگن معلوماتلرنی بیریشدن چیکیندی.
اونینگ تأکید قیلیب ایتیشیچه، دولتی ییرلرنی غصب قیلگن‌لر فاش ایتیلیشی اوچون انیق بیر کمیسیون توزه تیلیشی لازم، بولمه‌گنده افشا قیلیش قیین.
افغانستانده دولتی ییرلرنی غصب قیلیش حکومت اونگیده تورگن ییریک معمالردن سنله‌دی. جاری میلادی ییل باشله‌نیشیدن حاضرگه قدر «خانۀ آزادی» ناملی ایرکین نهادنینگ قیدیروولری اساسیده تیار قیلینگن گزارشگه کوره، افغانستانده اوتمیش 14 ییل مابینیده 1.29 میلیون جریب دولتی و شخصی ییرلر غصب قیلینگن.
حاضرگه قدر غصب بولینگن ییرلرنی زورمند کیشی‌لر تامانیدن آلیش وعده‌سی عملگه آشیریلیشی‌گه قره‌مسدن، حتی دولت مذکور زورمندلر اسمینی فاش قیلیشگه قادر ایمس‌لیگینی معلوم قیله‌دی.
