تخار دین عالم‌لر کینگشی اعضالریدن بیرقطاری‌نینگ ایتیشیچه، 8- مارچ‌دن نشانلش جامعه‌ده «فاحشهلیک» رواجلنتیریلیشی‌گه سبب بوله‌دی.
اولر 8- مارچ‌دن نشانلش برنامه‌لرنی توخته‌تیلیشی و اوشبو ولایتده عیاللر ریاستی‌نینگ باغله‌نیلیشی‌نی سوره‌گنلر.
تخار دین عالم‌لر کینگشی اعضالری‌نینگ ایتیشیچه، 8- مارچ‌دن نشانلش اوچون عیاللر ریاستی تامانیدن یولگه قوییلگن برنامه‌ده، قطار کیشی‌لر «اسلام دینی و پیامبر» گه اهانت قیلگن‌لر.
تخار عالم‌لر کینگشی‌نی باشلیغی مولوی عبدالصمد صمدی نینگ ایتیشیچه، اوشبو برنامه‌ده «عیاللر و ایرکک‌لرنینگ حقوق‌لرینی برابر بولگنی ایتیلگن.» جناب صمدی، بو سوزلرنی اسلامی ارزش‌لرگه قرشی بیله‌دی.
تخار دین عالم‌لر کینگشی‌نی اعضاسی مولوی عبدالمنان نینگ ایتیشیچه، عیاللرگه تیگیشلی برنامه‌لرنینگ یولگه قویه‌دیگن‌لردن تحقیق ایتیلیشی کیره‌ک.
بیراق تخار حاکمی فضل‌الله مجددی نینگ ایتیشیچه، 8- مارچ‌دن نشانلش برنامه عیاللر ریاستی تامانیدن یولگه قوییلگن ایدی و بو برنامه‌ده اسلام دینی‌گه اهانت بولمه‌گن. جناب مجددی‌نینگ کوپه‌یتیریشیچه، بو موضوع‌نی تیکشیرش اوچون بیر هیات تعیین ایتیله‌دی.
تخار دین عالم‌لری‌نینگ کینگشی 8 ماده‌لیک بیر شرطنامه صادر قیلیب مذکور ولایتده 8- مارچ مناسبتی بیلن یولگه قوییله‌دیگن برنامه‌لر توخته‌تیلیشینی سوره‌ب و شونینگدیک جوزجان ولایتیده نمایشی شکلده تاش کومدی محکمه یولگه قویگن مدنی فعاللر تانیلیب و جزالنتیریلیشی‌نی طلب قیلگن.
تخار ولایتیده عیاللر ریاستی مسووللری، بو توغریده صحبت قیلیش‌گه حاضر بولمه‌گن.
تخار دین عالم‌لر کینگشی‌نینگ آگاه‌لنتیریشیچه، اولر ایستک‌لریگه دقت بولمه‌گن صورتده، اعتراض‌لرینی کینگیتیرهدیلر.
بو احتفالده تخار حاکمی و دین عالم‌لر کینگشی‌نینگ کیلیشوویگه کوره، حکومت و عالم‌لردن 12 کیشی‌لیک بیر گروه تشکیل تاپیب و بوندن سونگ مدنی فعاللرنینگ ایش‌لریدن نظارت قیله‌دی.
