زابلده 7 یولاوچی نینگ باشی کیسیلیشی‌گه حکومت نینگ توجه‌سیز قیالیشی‌گه عیبلب، کابل یشاوچیلری نینگ یوکسک ناراضیلیک بیلدیریشلری بیلن بوگون بلخ، هرات، ننگرهار، قندوز، جوزجان و دایکندی یشاوچیلری هم اعتراض بیلدیردیلر.
اوتگن کون (چهارشنبه) ایرته‌لب کابل یشاوچی‌لریدن مینگلرچه کیشی باشی کیسیلگن یولاوچی‌لرجسدینی کابل دشت برچی«شهید مزاری مصلی) سیدن جمهورلیک سرایی‌گه قدر آلیب کیلدیلر. بو اعتراض بیلدیرگنلر حکومتنی یولاوچی‌لرگه توجه‌سیزلیک قیلیب « جنگری طالب‌لردن حمایت» قیلگنی‌گه عیبلی‌دیلر.
اهالی ملی بیرلیک حکومتی‌نینگ بونقه دهشتلی واقعه‌لرگه جیم قالیش‌لریدن انتقاد قیلیب، زابل حادثه‌سیگه قولی بولگنلرنی مجازات بولیشلرینی ایسته‌یدیلر.
بلخ: کوچینگیز ییتمه‌گن بولسه، وازکیچینگ
سانی یوزلرکیشی‌گه ییته‌دیگن بلخ اعتراضچی‌لری، زابل دهشتلی حادثه‌سیگه حکومت باشلیغ‌لری نینگ جیم قالیشی‌گه عیبلب، اگر جمهور رییس و اجرایی رییس، اهالی امنیتی‌نی تأمین ایتیش‌گه کوچلری ایتمسه، اهالیدن کیچیریم سوره‌ب حکومتدن چیتلنسین‌لر دیدیلر.
بو اعتراضچی‌لر اوتگن کیچه‌گی اجرایی ریاست ایکینچی اورین باسری محمد محقق‌نینگ جمهورلیک سراییده ایتگن سوزلریگه، اونی« بی‌غیرت» خطاب قیله‌دیلر و «محقق اولسین» دیگن شعار بیره‌دیلر. اعتراضچی‌لر جناب محقق سوزلریگه قره‌تیب ایتیش‌لریچه، اولر «اوباش» هم ایمس‌لر و ایش سیز هم ایمس‌لر، بلکیم حکومتدن امنیت‌لری تأمین بولیش حق‌لرینی سوریدلر.
بلخ ولایتی کینگش نماینده‌لریدن بو اعتراض‌ده اشتراک ایتگن ایدیلر، حکومتدن اهالی ایسته‌کلریگه جدی توجه قیلمه‌گن حالده، اولر اوز ناراضی‌لیکلرینی دوام بیره‌دیلر.
هرات: حکومتنی کفایت سیزلیگی چیده گیدیک ایمس
هرات یشاوچیلری هم «طالب و داعش» گه قرشی شعار بیریب، خلق باشقه اولرنی کفایت سیزلیکلرینی چیده آلمیدی دیدیلر.
شونینگ‌دیک هرات یشاوچیلری ملی بیرلیک حکومتی‌دن افغانستان دشمن‌لری برابریده «مصلحت‌لی سیاست» لریدن اوتیشنی ایسته‌یدیلر.
هرات مدنی فعاللریدن بیری گلثوم صدیق نینگ ایتیشیچه: «خلق چیده‌می باشگه ییتگن و باید حکومت بیلسین و ایشیتسین خلق چیده میدی».
ننگرهار: مین هزاره پشتون من
ننگرهار یشاوچیلری طالب و داعش اولسین دیب «مین هزاره پشتون من» دیگن شعارلرنی بیردیلر، حکومتنی توجه سیزلیگی و 7کیشی یولاوچی نینگ باش کیسیشلرینی قتیق قاره‌له دیلر.
کندز: طالبان آرزولرینی گورگه آلیب کیته‌دیلر
قندوز یشاوچیلری و رسمی‌لری ولایت تالاریده اوتکزگن نمایشده، طالب‌لرنینگ تینچ اهالی اولدیریشی بشری جنایت دیر، افغانستان خلق‌لری ارا تفرقه تشلش؛ اما بو هدفلرینی گورگه آلیب کیته دیلر دیب شعار بیردیلر.
قندوز سرپرستی حمدالله دانشی، غزنی ولایتی نینگ جاغوری یشاوچی‌لریدن 7 کیشی نینگ زابلده سویلیشی «ایریک جنایت» دیدی.
جوزجان: حکومت توجه سیزلیگی نینگ یمان کیله‌جگی بار
جوزجان ولایتی اهالیسی زابلده قربان بولگن‌لر عکسلرینی اوزلری بیلن آلیب، طالب و حکومت‌گه قرشی شعار بیردیلر و زابلده‌گی یولاوچیلر قاتللری توتیلیب جزالنیشی‌گه کوتاه‌لیک قیلیش‌لری، حکومت اوچون یمان کیله‌جکلی بوله‌دی دیب آگاه‌لنتیردیلر.
شونینگ‌دیک بو اعتراض بیلدیرگنلر، حکومت اهالی نینگ مشروع ایسته‌کلریگه توجه قیلمه‌گن صورتده، اوز ناراضی‌لیکلرینی دوام بیره‌میزدیب هشدار بیره‌دیلر.
پروان: سنگرگه باریشگه حاضرمیز
پروان محلی رسمی‌لری زابل حادثه‌سیگه قره‌تیب، خبری انجمن اوتکزیب سونگی حادثه «دهشتلی» واقعه ایدی و حادثه عامللرینی توتیش اوچون سنگرلرده باریشگه حاضر ایکن‌لیکلرینی بیلدیردیلر.
دایکندی: حکومت اهالی امنیتی‌نی تأمینلش‌گه مسؤول
دایکندی شهرداشلری هم حکومتنی طالب‌لر تامانیدن یولاوچیلر باشی کیسیلیشی باره‌سیده توجه سیزلیککه عیبلب اعتراض بیلدیریب، حکومتدن گناه‌سیز اهالی باشی کیسیلیشی باره‌سیده انیق موضوع آلیشینی ایسته‌دیلر.
دایکندی‌لیک قهرلنگن یشاوچیلر «حکومت، حکومت، اویلگین، اویلگین!» دیب حکومت مسؤولیتی اهالی امنیتی‌نی تأمینلش دیر دیدیلر.
