تخار ولایتی‌نینگ استیناف محکمه‌سی 7 یاشی‌ده بولگن سینگلی‌سینی تجاوز قیلگن 22 یاشر ایرکک‌نی اعدام‌گه حکم قیلدی.
بوندن اوچ آی آلدین میرویس ناملی شخص اوز سینگلی‌سینی جنسی خورله‌گن. دستلب تخار ولایتی‌نینگ محلی رسمی‌لری، اوشبو حادثه عاموی اخبارات واسطه‌لری تامانیدن یارووتیلیشی‌نی ایسته‌میدی‌لر؛ لیکن، مدنی جماعه‌چیلیک همده انسان حق و حقوق‌لرینی حمایه قیلیووچی اداره‌لر سعی وحرکتی بیلن مذکور جنسی تجازو نینگ دوسیه‌سی قضایی اداره‌لرگه ییتکزیله‌دی.
میرویس دوسیه‌سی نینگ قاضی‌سی، او سینگلی‌سی‌گه تجاوز قیلگن لیگی‌نی اعتراف ایتگن‌لیگی‌نی تیل‌گه آلگن. اما، قیزی جنسی تجاوز قربانی بولگن عایله مدیاگه سوز بیریش‌دن باش تارتگن.
شونینگ‌دیک تخار ده دتسلب‌کی محکمه میرویس‌نی دارگه اوریلیش حکمی‌نی تصدیق‌لب، دوسیه‌نی استیفاف محکمه‌سی‌گه یوبارگن، دوسیه‌نی تیکشیرگن استیناف محکمه‌سی هم میرویس اعدام قیلینیشی‌نی حکم قیلگن.
میرویس‌نی دارگه تارتیلیش حکمی تخار ولایت محکمه‌لری آرقه‌لی تصدیق‌لنگن لیگی ولایت‌ده‌گی مدنی جماعه‌چیلیک همده انسان حق و حقوق‌لری اداره‌سی فعال‌لری تامانیدن خوش قرشی‌لنگن.
عین حالده، تخار ولایتی‌نینگ ایریم یشاووچی‌لری، محکمه‌نینگ اوشبو قراری عملی ایتیلگن حالده، بلاغت‌گه ییتمه‌گن گودک‌لر همده عیال‌لرگه قرشی زوروانلیک‌لر میزانی کمَییشی‌گه سبب بوله‌دی دیگن‌لر.
تخار خاتین قیزلر اداره‌سی‌نینگ رییسی رزم‌آرام حواش‌گه کوره، 22 یاشر میرویس اوستی‌دن محکمه‌نینگ حکمی عملی ایتلیشی، خاتین قیزلرگه قرشی قولّه‌نیله‌دیگن زوروانلیک‌لر آلدی آلینیشی اوچون ییریک آدیم سنله‌دی. بونگه قره‌مسدن، محکمه قاضی‌سی‌گه کوره، میرویس صادر ایتیلگن حکم اوچون باشقه محکمه‌لرنی باسیب اوتیشی هم ممکن.
اوتگن نیچه ییل‌ده تخار ولایتیده بلاغت‌گه ییتمه‌گن گودک‌لرنی جنسی تجاوز ایتیلیش میزانی کوزگه کورینرلی درجه‌ده آشگنی ایتیله‌دی. بوندن نیچه وقت آلدین اوشبو ولایت‌ده بلاغت‌گه ییتمه‌گن قیز باله بیر ملا آرقه‌لی جنسی زورلنگن ایدی.
