نیویورک تایمز کونده‌لیگی‌گه کوره، آمریکا و طالبان گروهینینگ نماینده‌لری 5 ییل جریانیده آمریکا کوچلرینی افغانستاندن چیقیشی خصوصیده کیلیشگن.
اوشبو کونده‌لیک‌نی بیر گزارش آرقه‌لی اعلان قیلیشیچه، بو ریجه اساسیده، آمریکا قوشمه ایالاتی کیله‌جک آی‌لرده افغانستانده بولگن کوچلریدن 7 مینگ‌‌نی چیقاره‌دی و آمریکانینگ باشقه 7 مینگ حربی‌سی، اورپا و خلق ارا 8600 حربی‌سی بیلن 5 ییل جریانیده افغانستانی ترک قیله‌دی.
نیویورک تایمز معلوماتی‌گه کوره، چیت‌ایللیک کوچلر افغانستانی کامل صورتده ترک قیلگن‌گه‌قدر افغان امنیتی کوچلریگه تعلیم بیره آلمهیدی و اوشبو کوچلر داعش و القاعده اعضالرینی نابود قیلیش اوچون سعی و حرکت قیله‌دی.
گزارشلرگه کوره، پنتاگون و ناتو قومندانلیگی اوشبو ریجه‌دن حمایت قیلگن.
شوتوغریده…
- آمریکا و طالبان گروهی آره‌سیده بولگن تینچلیک سوزلشوولر توخته‌تیلدی
عیاللر ملی جمغرمه‌سی؛ آتیش کیسین ایسته‌یمیز
عین‌حالده، طالبان گروهی بیر خبرنامه آرقه‌لی مذکور گزارش‌نی رد قیلگن. خبرنامه‌ده کوپه‌یتیریلیشیچه، چیت‌ایللیک کوچلرنینگ 5 ییل جریانیده چیقیشی خصوصیده صحبت قیلینگن ایمس.
طالبلرنینگ اعلان قیلیشیچه، حاضرگه‌قدر موقت حکومت و سیلاو خصوصیده مذاکره قیلینمه‌گن.
آمریکا و طالبان گروهی نماینده‌لری آره‌سیده تینچلیک سوزلشوولرنینگ 5- دوری اوتگن هفته باشلندی و اوشبو سوزلشوولر ایکی کون توخته‌تیلگنی‌دن سونگ، ایرته قیته‌دن باشله‌نیشی ممکن.
