پروان ولایتیده بیر عایله نینگ ایکی اعضاسی 5 ییلدن سونگ، انتقام آلیش اوچون قورال آلگن و نتیجهده 40 عایله آواره بولگن.
بو قضیه قویاش 1392- ییلگه تیگیشلی دیر. مذکور ییلده پروان ولایتینینگ جبلالسراج تومنیده ایکی عایله آرهسیده صورت تاپگن آتیشمه نتیجهسیده، عیاللر و بالهلر شامل 12 کیشی هلاک ایتیلگن.
1392- ییل صورت تاپگن واقعه اوشه ییل قوم بویوکلر تامانیدن حل ایتیلگن ایدی؛ بیراق حاضرده مذکور واقعهدن 5 ییل اوتگنیدن سونگ و مذکور عایلهلردن بیرینینگ ایکی اعضاسی انتقام آلیش اوچون قورال آلگن.
سونگی کونلرده گذرپایین قیشلاغیده تارتیشوولر کوپهیگنی باعث، کمیده 40 عایله اوی و جایلر نی ترک قیلگنلر.
گذرپایین قیشلاغی یشاوچیلرینینگ ایتیشیچه، انهشو قیینچیلیکلر باعث، اویلریگه باره آلمهیدیلر و حکومتدن بو قیینچیلیکنی حل قیلیش اوچون سعی و حرکت قیلیشینی سورهیدیلر.
عینحالده، پروان محلی مسووللری، مذکور قیینچیلیکلرنی حل قیلیش اوچون سعی و حرکتلر باشلنگنیدن خبر بیرهدی.
پروان حاکمینی سوزلاوچیسی وحیده شهکار نینگ سلاموطندارگه ایتیشیچه، آواره بولگن عایلهلرنی شکایتلریدن سونگ، مذکور قیینچیلیکنی حل قیلیش اوچون بیر هیأت تعیین ایتیلگن.
