امریکا قوشمه ایالتلرینینگ ترقیات ادارهسی(USAID) کومکی بیلن 240 عیال دولت باشقرهلاوچلیگیگه ایشنی مشق قیلووچیلر صفتیده تانیشتیریلدی.
بو عیاللر مملکت بیلیم یورتلرینینگ حقوق، شرعیات و اسلامی بیلیملر فاکولتهسینی بیتیرگن. شونینگدیک بولر بیش هفتهلیک بیر لایحهده کورس کورگنلر. اوشبو کورس امریکا قوشمه ایالتلری ترقیات ادارهسی نینگ مالی همکارلیگی بیلن اوتکزیلگن.
مملکت دولت باشقرهلاوچیسی محمد فرید حمیدی بو عیاللرنی تانیشتیریش مناسبتی بیلن اوتکزیلگن ییغینده، اوشبو عیاللر ایشنی مشق قیلیش باسقیچینی اوتکزیب بو اداره گه آلینیشلری بیلن باشقرهلاوچیلیک قابلیتی آشیشی ممکن دیگن.
مملکت باشقرهلاوچیسی، بیر ییلدن بیری مملکتدهگی عدلی ادارهلرده خاتین – قیزلرنینگ 3%لیک سانی 17%گه آشگن دیدی.
جناب حمیدینینگ سوزلریگه کوره، تجربهلرگه قرهگنده عدلی و قضایی ادارهلرده عیاللر سانینی آشیریش اداری فسادگه قرشی کورهشده ایجابی نتیجه بیرگن.
