امریکه جمهور رییسی بارک اوباما 2016- ییلدن کیین بو مملکت نینگ بیش مینگ حربی قوشینی افغانستانده قالیشی‌نی تصدیق ایتیشی کوتیله‌دی.
افغانستانده ترورچیلیک هجوملر آشیشی، قورال‌لی طالب‌لر قندوز شهریگه هجوم قیلیب اوشبو شهرنی اوز تصرفی‌گه آلیشی امریکه جمهور رییسی 2016- ییلدن کیین مملکتی نینگ بیش مینگ حربی‌سی افغانستانده قالیش لایحه‌سینی کوریب چیقه‌دی. امریکه بلند مرتبهلی رسمیلری‌نینگ سوزلریگه کوره، اقش جمهور رییسی بو توغریده تیزلیکده سونگی قرارنی آله‌دی.
امریکه‌نینگ «واشنگتن پُست» کونده‌لیگی‌نینگ بو مملکت بلند مرتبهلی رسمیلری‌گه اساسلب یازیشیچه، مذکور لایحه امریکه مرکز حربی کوچلری‌نینگ باش قوماندانی جنرال مارتین دمپسی تامانیدن جاری ییل‌نینگ آگست آیده تکلیف ایتیلگن.
مذکور طرح‌گه موافق، امریکه‌نینگ حربی قوشین‌لری نینگ بیر قسمی اسلامی دولت حرکتی (داعش) القاعده و باشقه ترورچی گروه‌لر فعالیتی افغانستانده امریکه منفعتی خطرگه روپه ره بولمس‌لیگی اوچون 2016- ییلدن کیین هم بو مملکت‌ده قاله‌دی. بوندن آلدین امریکه جمهور رییسی مملکتی‌نینگ برچه حربی عسکرلرینی افغانستان‌دن آلیب چیقیش‌نی ایتگن ایدی.
مذکور لایحه‌گه جنرال دمپسی‌گه یاردم بیرگن بلند مرتبهلی رسمیلریدن بیری‌نینگ ایتیشیچه، افغانستانده امریکه‌نینگ ایلچیلیکلری امنیتی تامین ایتیلیشی اوچون قاله‌دیگن حربی‌لردن شقری کمیده اوچ حربی قرارگاه جمله‌دن بگرام حربی قراگاهی‌ده هم خلق ارا کوچلری قاله‌دی و بو کوچلر احتیاج بولگن حالده عملیات‌لرگه یاردم بیریشی ممکن.
افغانستان و پاکستان اوچون امریکه جمهور رییسی‌نینگ مخصوص مصلحتچی‌سی جیمز دوینزگه کوره، مذکور لایحه‌نی عملی ایتلیشی اوبامانی افغانستان اوچون قره‌شی اوزگرگن‌لیگینی کورسته‌دی.
امریکه‌لیک بلند مرتبهلی رسمیلر بوندن آلدین خلق ارا کوچلری‌نینگ فقط بیر مینگ حربی قوشنی افغانستانده امریکه ایلچیلیکلری خوف‌سیزلیگی‌نی تامین قیلیش اوچون قاله‌دی دیگن ایدی.
شونینگ‌دیک واشنگتن پُست‌نینگ یازیشیچه، قورال‌لی طالب‌لر اون بیرینچی سپتامر یعنی 14 ییلدن کیین هم افغانستان اوچون جدی بیر تهدید سنه‌له‌دی.
ایتیلیشیچه، افغانستان ملی بیرلیک حکومتی‌نینگ رهبرلری امریکه جمهور رییسی‌نینگ بو قراریگه موافق.
