افغانستان‌ده مطبوعات حمایتی بیلن مشغول (نی) میلادی 2016- ییل ژرونالیستلر اوچون اینگ قانلی ییل بولگنینی اعلان قیلدی. بو اداره‌نینگ مسووللری، بیر ییل آقیمیده خبرچیلرگه قرشی 415 زوروانلیک حاللری رویخطگه آلینگن دیدیلر. اوشبو رقم اوتگن ییلگه قره‌گنده ژورنالستلرگه ضد زوروانلیک واقعه‌لری آشگن لیگینی کورسته‌دی.
بوگون کابل‌ده اوتکزیلگن خبری انجمن‌ده گپیرگن نَی تشکیلاتی نینگ اجراییه رییسی مجیب خلوتگر، زوروانلیکلرنینگ 14موردی قتل، 338 واقعه‌سی اولدیریش‌گه تهدید قیلیش، 34 حادثه کلتکلش، 23 مورد یره‌لنتیریش و 3 حادثه ایسه حبس‌گه آلیش بولگنینی تیلگه آلگن.
زوروانلیکلردن 326 موردی طالبان تامانیدن، 64واقعه دولت آرقه‌لی، 26حادثه نامعلوم شخصلر و قالگن 292 مورد ایسه هلمند، قندوز، ارزگان و فراه ولایتلریده طالبان تامانیدن گروهی شکلده یوز بیرگن دیدی خلوتگر. شونینگدیک 40مورد زوروانلیک حاللری شخصی روی بیرگنی ایتیله‌دی.
جاری ییل نینگ اخیرگی آیلرده عیال خبرچیلرگه قرشی زوروانلیک حاللری اورگه‌نیلیشی مقصدیده بو اداره تامانیدن ینگی بیر سوراو اوتکزیلگن. بو سوراو ییتکرمه‌لرده خذمت قیله‌دیگن 280 عیال ژورنالست بیلن صحبت اساسیده تیارلنگن.
بو رقمدن 43فایزی زوروانلیکلر ایشگه قره‌شلی و 66 فایز زوروانلیک ایسه اجتماعی حیاتگه تیگیلشی ایکن لیگینی ایتیلگن. حساباتده، عایله‌لرنینگ 43فایزی خانه‌دان اعضالریگه قرشی یوز بیره دیگن زوروانللیکلردن خبردار و 66 فایزعایله، خانه‌دان اعضالری‌نینگ ایش ییریده‌گی زوروانلیک حاللریدن خبرسیز ایکن لیکلری ایتیلگن.
سوراوده قتنشگنلرنینگ 26.9 % زوروانلیکنی ییتکرمه‌لر مسووللری بیلن اورته‌گه قویگنلر، اما 72.7فایزی ایسه بو ایشنی قیلیش‌گه اولگورمه‌گن.
اختبارات واسطه‌لریده فعالیت قیله‌دیگن عیال خبرچیلرنینگ 20فایزی، تشکیلات ایچیده‌گی زوروانلیکلرگه پایان بیریله‌دی، لیکن 80 فایز موضوع توغریسیده تشکیلاتنی اعتبارسیزلیککه عیبدار بیله‌دیلر.
مطبوعات حمایتی بیلن مشغول (نی) اداره‌سی، تشکیلاتدن چیقاریلیش احتمالی اوچون ملازملر موجود زوروانلیک توغریسیده تیگیشلی ییتکرمه مسووللرینی خبر قیلیش‌گه جرئت قیلمس‌لیکلرینی بیلدیرگن.
نَی نینگ قولگه کیریتگن حساباتیده بو عیاللرنینگ 83فایزی زوروانلیککه روپه ره بولیشنی ایته دیلر. بولردن 10فایزی تشکیلات ایچیده و 89 فایزی ایسه اداره‌دن تشقریده زوروانلیک گواهی بولگن.
شونینگدیک مملکتده ایرکین مطبوعات حمایتی بیلن شغللنگن اداره نینگ سوراویده زورونلیک نینگ 7.1فایزی فیزیکی، 55فایزی تیل تارتیشووی، 26.5 فایزی جنسی و 11.3 فازی تورلی خیل زوروانلیکلردن عبارت دییلگن.
نَی، ژورنالستلرگه قرشی یوز بیرگن زوروانللیککه عاید دوسیه‌لر تیکشیریلیشی بیلن تیز آره ده ایچکی ایشلر وزیرلیگی، دولت باشقره‌لاوچیلیگی و جمهور رییس‌لیک سراییگه یوباریله‌دی دیگن.
عین حالده، اخیرگی وقتلرده مملکتده‌گی ناتینچلیک بیر قنچه خبرچیلرنی مملکت‌نی ترک قیلیش‌گه مجبور قیلگن دیگن ساحه نینگ مسووللری. رسمیلر، اوتگن 18 آی دوامیده چمه‌سی بیش یوز خبرچی و ییتکرمه خادمی مملکت‌دن تشقریده باش پنه ایزله‌گنلر دیدیلر.
