سیلاولر ایرکین کمیسیونی مسؤوللری‌نینگ ایتیشیچه، 5- سرطان تاریخی‌دن سونگ ایشلری باشلنگن آواز بیرووچیلرنینگ رویخط‌گه مرکزلرنینگ ایشی قیته تیکلنه‌دی.
سیلاولر ایرکین کمیسیونی‌نینگ سوزلاوچیسی‌نی اورین باسری شیما علم سروش‌نینگ ایتیشیچه، مملکت‌نینگ 20 ولایتیده آواز بیرووچیلرنینگ رویخط‌گه آلیش 112 مرکز ایشی‌گه سرطان آیی‌نینگ 20 سیدن 27 سیگچه قیته تیکلنگن. اوشبو مرکزلر آواز بیرووچیلرنینگ رویخط‌گه آلیش اوچینچی باسقیچی گه شامل بولیب و قیشلاقلرده یولگه قوییله‌دی.
سیلاولر ایرکین کمیسیونی سوزلاوچیسی اورین باسری‌نینگ ایتیشیچه، بو ایش اهالی قیته‌دن فعال شکلده سیلاولرگه اشتراک قیلیشی اوچون بیر فرصت دیر. چونکه 157 تومن ده حاضرگچه هیچ بیر عیال تومن‌لر کینگشی چوکی سیگه اوزینی نامزد قیلمه‌گن و باشقه 37 تومن ده نه‌فقط عیاللر، بلکیم ایرکک‌لر هم اوزلرینی نامزد قیلمه‌گن.
عین حالده، خانم سروش‌نینگ ایتیشیچه، تومن‌لر کینگشی نامزدلری‌نینگ دستلبکی رویخطی کیله‌جک بیر هفته گچه نهایی بولیب و کمیسیون تامانیدن نشر قیلینه‌دی.
