قیشلاقلرنی رواجلنتیریش وزیرلیگی نینگ مسووللری، قویاش 1395- ییل‌‌ده 1 میلیارد و 859 میلیون و 186مینگ و404 افغانینی وزیرلیک شرطنامه‌لریده تیجه‌گن لیکلرینی معلوم قیلدیلر.
بوگون (چهارشنبه) مملکت قیشلاقلرنی رواجلنتیریش وزیری نصیراحمد درانی کابل‌گه اوتکزیلگن خبری انجمن‌ده اوشبو مبلغ 152شرطنامه و پروژه‌لرده صرف‌لنگن دیدی.
جناب درانی، وزیرلیک بوتکول بولیملرده تیجش اوچون سعی وحرکت ایته‌دی دیگن. اونینگ سوزلریگه کوره، یالغوز وزیرلیک نینگ دجیتال تلفون بولیملریده 600 مینگ افغانی تیجلگن.
قیشلاقلرنی رواجلنتیریش وزیری، ملی بیرلیک حکومتی تاسیس بولگن‌‌دن بیری مذکور وزیرلیک‌ده بودجه آشیریلگنی باعث هیچ بیر لایحه اوزگرمه‌گن، اما، ایکّی پروژه‌نی تیجش نقطه نظردن اوزگرتیرگن لیکلرینی بیلدیرگن. لایحه‌نی عملگه آشیروچی شرکت‌‌دن بیر میلیون دالر حکومت قیته‌ریب بیریلگن.
افغانستان قیشلاقلرنی رواجلنتیریش وزیرلیگی نینگ مسووللری، ملی بیرلیک لایحه‌سیگه همکار قطار موسسه‌لر ده تشکیلاتلر قول قوییلگن لایحه گه اعتبار بیرمه‌گن لیک اوچون 62 میلیون افغانی جریمه بولگنلر دیدیلر.
