نماینده‌لر کینگشی 1397- ییل مالی بودجه‌سینی کینگش‌نینگ کمیسیونلری کوریب چیقنی‌دن کیین آواز گه قویب، اکثر آوازنی آلیش بیلن تصویب قیلگن.
نماینده‌لر کینگشینینگ مالی و بودجه کمیسیونی نینگ اعضاسی صدیق احمد عثمانی‌نینگ ایتیشیچه کینگش کمیسیونی ییغینلری‌ده اکثری اعضالری مذکور لایحه‌نی تصدیق قیلگنلر.
عثمانی جنابلری‌گه کوره ریجه لنتیریلگن بیر قطار اداره‌لرگه اوپراتیفی پوللر10 دن 6ته‌گه توشگن و اعتباری پوللر 56 میلیارد افغانی‌دن 54 میلیارد افغانی‌گه ییندیریلگن.
عثمانی جنابلری‌نینگ معلوم قیلیشیچه بو ییل یوکسلتریش بودجه‌سی 14میلیارد افغانی کم بولگن. اونگه کوره، 1397- ییل، مالی بودجه‌سی‌نینگ 161 میلیاردی ایچگی درآمد لردن تامین‌لنگن و قالگنلری تشقی اولکه‌لر یاردمیده تامین ایتیله‌دی.
انه‌شو حالده بیر قطار کینگش نماینده‌لری مذکور بودجه تینگ بولمه‌گنینی آیتیب 95 – و 96- ییل‌لرگه تکمیل ایتیلمه گن پروژه‌لر بو بودجه گه قید قیلینمه‌گنینی ایته‌دیلر.
اولرنینگ ادعاسیگه کوره، نماینده‌لر کینگشینینگ مالی و بودجه کمیسیونی حکومت بیلن معامله قیلگن.
بیراق مالیه وزیرلیگی اکلیل حکیمی‌نینگ معلوم قیلیشیچه، 1397- ییل مالی بودجه‌سی تینگ بولگن و دنیا‌ده‌گی معیارلر گه برابر دیر.
مالیه وزیری‌گه کوره، ایشلری چَلَه قالگن پروژه‌لرنینگ 80 فایزی مذکور بودجه‌گه سیغدیریلگن، 20 فایز قالگن پروژه‌لر اقتصادی کینگش‌دن کیین یاردم قیلووچی جمغره‌لر آرقه‌لی تکمیل ایتیله‌دی.
ملی‌کینگشی‌نینگ باشلیغی عبدالرووف ابراهیمی بیر قطار نماینده‌لر قرشیلیک‌لریدن کیین مذکور بودجه‌نی آوازگه قویدی.
97- ییل مالی بودجه‌سی بیر آی آلدین کینگش اعضالری یوقلیگی، ولایت‌لر آرسیده تینگ سیزلیکلر، اداری واحدلرنی سیغدیریش، و کیره‌ک بولمه‌گن بستلر نینگ ایجاد ایتیلیشی سبب مجلس اعضالری تمانیدن رد بولگن ایدی.
