قویاش 1397- ییل، بوتون کم‌چیلیک‌لری و یوتوقلری بیلن یکونلندی؛ بیراق بو ییل افغانستان اهالیسی اوچون قیین‌چیلیگی کوپ بولگن ییل‌لردن بیری ایدی؛ چونکه بو ییل جریانیده کوپلب سیاسی و اجتماعی واقعه‌لر یوز بیردی و اهالی نینگ تیریکچیلیشی اوستیگه ایرکین تأثیر تشله‌دی.
سیلاو جنجل‌لری و تینچیلیک سوزلشوولری جریانیده بولگن چیگل‌لیک‌لر 97- ییل‌ده یوز بیرگن اینگ مهم اجتماعی واقعه‌لر سنله‌دی. تینچلیک سوزلشوولری جریانیده ایرکین رولی بولمه‌گن مدنی فعاللر، خبرچی‌لر و افغانستان اهالیسی خواطرده دیر؛ چونکه تینچلیک کیلیشوویدن سونگ، قنده‌ی بیر حکومت تشکیل ایتیلیشی نامعلوم دیر.
اولرنینگ ایتیشیچه، اوتگن 18 ییل یوتوقلری تینچلیک سوزلشوولریده قربان بولمه‌سی کیره‌ک و طالبان گروهی ایرکین شکلده افغانستان حکومتی و اهالیسی بیلن مذاکره قیلیشی لازم.
خبرچیلیک اداره‌لر فدراسیونی‌نی اعضاسی شفیقه حبیبی نینگ ایتیشیچه، بوتون یاشی‌نینگ یریم عصردن کوپیسینی مدنی و میدیایی فعالیت‌لرگه صرفله‌گن و یوتوقلری باشقه‌لرنینگ هدفی گه قربان بولیشینی ایستمه‌یدی. خانم حبیبی نینگ ایتیشیچه، تینچلیک سوزلشوولریده بولگن چیگل‌لیک سوز ایرکینلیگی بو جریان‌نی اولویتی ده بولمه‌گنینی کورسته‌دی.
اهالینی خواطرگه سالگن موضوعلردن باشقه بیری، نماینده‌لر کینگشی نینگ سیلاوی شفاف بولمه‌گنی دیر. سونگی نماینده‌لر کینگشی سیلاویده یوز بیرگن قیین‌چیلیک‌لر سیلاوگه نسبتن اهالی‌نینگ ایشانچسیزلیگی گه سبب بولدی و کیله‌جک سیلاولرده اهالی‌دن کوپینچه‌سی اشتراک قیلمه‌سی ممکن.
مدنی فعاللردن بیری بسم‌الله رنجبرنینگ ایتیشیچه، نماینده‌لر کینگشی نینگ سیلاویده یوز بیرگن کینگ تقلب‌لرگه قره‌گنده، اهالی سیلاوگه نسبتن بولگن ایشانچینی قولدن بیرگن.
عیاللر و زوروانلیک
انسان حقلری ایرکین کمیسیونی و مدنی جماعه‌چیلیک تامانیدن بیریلگن رقم‌لر اساسیده، 1397- ییل‌ده عیاللرگه قرشی زوروانلیک میزانی آشگن.
انسان حقلری ایرکین کمیسیونی نینگ گزارشی اساسیده، عایله‌وی زوروانلیک‌لر باعث، منزل دن عیاللرنینگ قاچیشی کوپه‌یگن و مملکت‌ده سونگی 4 ییل‌ده عیاللرگه قرشی 920 دن آرتیق جنسی زورانلیک قضیه رویخط‌گه آلینگن.
شونینگدیک، مدنی جماعه‌چیلیک جمغرمه‌سینی تیکشیروولریگه کوره، افغانستان ایرکک‌لریدن کمیده 80% عیاللریگه قرشی زوروانلیک قیله‌دی.
افغانستان فوتبال فدراسیونی ده عیاللرگه قرشی جنسی زوروانلیک
قویاش 1397- ییل‌ده باشقه بیر موضوع جدی شکلده خبرساز بولدی و بو موضوع ایسه مملکت فوتبال فدراسیونی‌نینگ باشلیغی و اوچ اعضاسی گه کیریتیلگن جنسی زوروانلیک عیب‌لاولر ایدی و بو موضوع خلق ارا اداره‌لری جمله‌دن خلق ارا فوتبال فدراسیونی‌نینگ عکس‌العملی گه سبب بولدی.
افغانستان بوییچه خاتین-قیزلر ملی فوتبال تیرمه‌جماعه‌سی نینگ سابق اعضاسی بولگن عیاللردن بیرقطاری‌نینگ میدیالرده ادعا قیلیشیچه، مملکت فدراسیونی نینگ باشلیغی و اوچ اعضاسی، اولردن جنسی سوءاستعمال قیلگن‌لر. اوشبو موضوع باعث، خلق ارا فوتبال فدراسیونی یا-ده فیفا، فوتبال فدراسیونی نینگ باشلیغی نی کمیده 3 آی فوتبال فعالیت‌لریدن محروم قیلدی.
بیرلشگن ملت‌لر تشکیلاتی‌ده بیر عیال افغانستان نماینده‌سی صفتیده تعیین ایتیلدی
قویاش 1397- ییل‌ده عیاللر کوپینچه یوتوقلرگه ایریشگن و بو جمله‌دن بیرلشگن ملت‌لر تشکیلاتی‌ده عادله راز افغانستان نینگ سیاسی نماینده‌سی صفتیده تعیین ایتیلگنی گه اشاره قیلینسه بوله‌دی. بو ییل‌ده سیاسی بولیم‌لرده عیاللرنینگ حضوری کوپه‌یدی و نیچه عیال وزیرلیک‌لردن بیرقطاریده اورین باسر صفتیده تعیین ایتیلدیلر و شونینگدیک، قطار عیاللر افغانستان نینگ ایلچیسی صفتیده تعیین ایتیلگن‌لر.
6 یاشیده بولگن مهسا آتلی قیز باله دهشت‌لی شکلده اولدیریلدی
شونینگدیک، قویاش 1397- ییل‌نینگ سونگی کونلری زوروانلیک ماجرالردن بوش قالمه‌دی.
کمیده ایکی هفته آلدین، 6 یاشیده بولگن مهسا آتلی قیز باله کابل نینگ 315 آتی منطقه‌سیدن اوغیرلنیب و اوندن سونگ، اوغیرلاوچی‌لر تامانیدن قتل ایتیلدی و بو موضوع جدی عکس‌العمل‌لرگه سبب بولدی؛ مملکت یشاوچیلری مهسانینگ قاتل‌لری دارگه تارتیلیشی‌نی طلب قیلگن‌لر.
یشاوچیلرنینگ ایستک‌لری توغریسیده باش قاره‌لاوچیلیک نینگ ایتیشیچه، مهسا اولیمی نینگ دوسیه‌سی دقیق شکلده تیکشیریلیشی کیره‌ک و تیکشیروولر نتیجه‌سی اهالی بیلن شریک قیلینه‌دی.
