1396- ییل، 12- و 13- جوزا کونلریده هلاک ایتیلگن‌لرنینگ عایله اعضالریدن بیرقطاری نینگ ادعا قیلیشیچه، حکومت هلاک ایتیلگن‌لرنینگ دوسیه‌لری تیکشیریلیشی و اوشبو واقعه عامل‌لری جزالنیشی خصوصیده بی‌فرق یانده‌شه‌دی.
ایکی ییل آلدین، 12- و 13- جوزا یوز بیرگن واقعه‌لرده قربان بولگن‌لردن ایسلش مراسم‌ده سالم ایزدیارنینگ آته‌سی محمدعلم ایزدیارنینگ ایتیشیچه، حکومت قربانلرنینگ دوسیه‌لری و واقعه عامل‌لرینی جزالنتیریش‌ده بوندن آرتیق بی‌فرق یانده‌شگن صورتده، اولر باشقه ورینت‌لردن فایده‌لنیب و اوشبو واقعه عامل‌لریدن اوز انتقاملرینی آله‌دیلر.
جناب ایزدیارگه کوره، ایکی ییل آلدین، جوزا آیی‌ده هلاک ایتیلگن‌لر توغریسیده حکومت تامانیدن تعیین ایتیلگن تدقیقاتی هیأت گزارشی چیگل و یالغان دیر.
ایزدیارنینگ کوپه‌یتیریشیچه، حکومت سالم ایزدیارنینگ جنازه مراسمی‌ده یوز بیرگن خودکش هجوم عامل‌لرینی قولگه آلیش خصوصیده هم بی‌فرق یانده‌شگن.
شونینگدیک، اجراییه باشلیغی عبدالله عبدالله نینگ ایتیشیچه، ایکی ییل آلدین، جوزا آیی ده یوز بیرگن واقعه‌لر توغریسیده اوتکزیلگن تدقیقات دن حکومت مسؤولی صفتیده راضی ایمس دیر و بو تدقیقات هر تامانلمه بولمه‌گن.
اجراییه باشلیغی نینگ اورغولشیچه، مملکت یشاوچیلری قضایی اداره‌لرگه ایشانیش‌لری اوچون ایکی ییل آلدین، جوزا آیی ده یوز بیرگن واقعه‌لر هر تامانلمه شکلده تیکشیریلیشی کیره‌ک.
ایکی ییل آلدین، جوزا آیی ده کابل یشاوچیلریدن بیرقطاری، زنبق تورت یولیده یوز بیرگن قانلی پارتلش خصوصیده جاده‌لرگه چیقیب و یشاوچیلر خوفسیزلیگینی تأمین‌لش ده حکومت ناکام‌لیگی‌دن ناراضیلیک بیلدیرگن‌لر. اوشبو ناراضیلیک زوروانلیک‌که تارتیلدی و نتیجه‌ده سالم ایزدیار و باشقه بیرقطاری اعتراضچی‌لر هلاک ایتیلدی.
