نماینده‌لر کینگشی نینگ بوگونکی ییغینی هم نتیجه‌سیز یکونلندی و عمومی ییغینده آواز بیریش گه قوییلگن جنجل‌لی بیر آواز ینه-هم نماینده‌لر کینگشی اعضالرینی ایکی تقسیم قیلدی.
نماینده‌لر کینگشی اعضالری نینگ آره‌سیده بولگن جنجل‌نی حل قیلووچی کمیته، جنجل‌لی بیر آوازنی عمومی ییغینده آچیق شکلده آواز آلیش گه قویدی و نماینده‌لردن 130 ته‌سی یشیل کارت کوتریب بو آوازنی تصدیقله‌دی، بیراق نماینده‌لردن باشقه بیرقطاری بو آوازنی ناتوغری بیلیب و کمیته قرارینی قبول قیلمه‌گن‌لر.
نماینده‌لر کینگشی اعضالریدن بیرقطار جنجل‌لی بیر آوازنی تصدیق‌لب و میررحمان رحمانی‌نی بو کینگش باشلیغی صفتیده قبول‌قیلیب و یغیین‌لرنینگ کیله‌جک هفته "شنبه" کوندن باشله‌نیشینی ایتگن‌لر، بیراق باشقه قطار وکیل‌لر، نماینده‌لر کینگشی باشلیغی‌نی تعیین‌لش اوچون قیته‌دن سیلاو یولگه قوییلیشی‌نی سوره‌گن‌لر.
نماینده‌لر کینگشی اعضاسی عبدالقیوم سجادی نینگ ایتیشیچه، نماینده‌لرکینگشی اعضالریدن 130 ته‌سی میررحمان رحمانی‌نی بو کینگش باشلیغی صفتیده قبول قیلگن و جناب رحمانی‌دن اوز حقیدن دفاع قیلیشی‌نی سوره‌یدیلر.
جناب سجادی نینگ ایتیشیچه، میررحمان رحمانی نماینده‌لر کنیگشی نینگ قطار اعضالری، تارتیشوولرنی حل قیلووچی کمیته و علنی آواز بیریشده نمانیده‌لر کینگشی نینگ باشلیغی صفتیده تعیین ایتیلگن.
شوتوغریده…
جناب سجادی نینگ کوپه‌یتیریشیچه، نماینده‌لر کینگشی‌نینگ قطار اعضالری، شخصی و قومی منفعت‌لر باعث، اوشبو کینگش‌نی گروگه آلگن و بو قیین‌چیلیک حل ایتیلیش‌نی ایستمه‌یدیلر.
بیراق، جناب رحمانی نینگ رقیبی کمال‌ناصر اصولی، جنجل‌لرنی حل قیلووچی کمیته قرارینی بیر تمانلمه بیلیب و بو کمیته بوتون نماینده‌لر نماینده‌لیک قیله‌آلمه‌یدی دیگن.
شونینگدیک، نماینده‌لر کینگشی نینگ بیرقطار اعضالری، نماینده‌لر کینگشی اعضالری آره‌سیده یوز بیرگن تارتیشوولرنی ینگی موضوع بیلمه‌یدیلر و دنیا پارلمانیده شونده‌ی واقعه یوز بیریشی‌نی ایته‌دیلر.
نماینده‌لر گینگشیده‌گی تارتیشوولر، شنبه کونی میررحمان رحمانی نماینده‌لر کینگشی باشلیغی صفتیده تعیین ایتیلگنی دن سونگ، باشلنگن و حاضرگچه دوام ایتماقده.
