افغانستان ایرکین تشکلات اویی، مملکت اساسی قانونی امضالنگندن بیری فقط اساسی قانوننینگ 21 – مادهسی بوزیلمهگن لیگینی ایتگن. اوشبو مادهگه یازیلیشیچه، "کابل، افغانستان پایختی"
مذکور تشکیلات اوزینینگ ایکینچی " افغانستان اساسی قانونینینگ بوشلیقلری و بوزیشلری" نامی آستیده تیارلهگن گزارشیده اساسی قانون مادهلرینی تحلیل قیلیب، اوشبو قانوننینگ ایاق آستی ایتیلگن مادهلرنی تیکشیرگن.
بو تشکیلاتنینگ حساباتیگه کوره، بو جریانده اساسی قانوننینگ 92 موردی اوچ کوچ تامانیدن یعنی قانونچیلیک، قضایی قوه و اجراییه قوهسی آرقهلی نقص ایتیلگن؛ لیکن، بولرنینگ ایچیده اساسی قانون کوپراق بوزیلیشی اوچون اجراییه قوهسی نینگ رولی کوپراق بولگن.
گزارشده اساسی قانوننینگ کتّه قسمی اجراییه قوهسی تامانیدن کوپراق بوزیلیشی، مذکور قانون بو ادارهگه کوپراق صلاحیت بیرگنلیگی سبب بولگنی قید ایتیلگن.
گزارشنینگ معلوم قیلیشیچه، قانونلر امضالهنیشده جمهور رییسنینگ بی فرقلیگی، سیلاولر قانونی رعایه ایتیلمسلیگی، کمسیتیش و ایرکین جمعیت یرهتیش، کوچیلرگه امتیاز بیریش، موازی ادارهلرنی ایجاد قیلیش، سرپرست وزیرلر سقلهنیشی، عالی محکمه حکمیسیز محبوسلر آزادلیککه چیقاریلیشی، قاضی القضات ایش زمانی کوپیتیریلیشی، دولت اساسی قانون تشکیلات تصدیقینی کیچیکتیریشی، سنامجلسی انتصابی اعضالری ایشی دوام تارتیشی، سیلاولر کمیسیونلریگه صلاحیتلر بیریلمسلیگی، سیلاولر کمیسیونلریگه اعضا بولیش شرایطی رعایه ایتیلمسلیک و معلوماتلرگه قول تاپیش کبی مسالهلر اجراییه قوهسی تامانیدن ایاغ آستی ایتیلگن موردلردن حسابلنهدی.
شونینگدیک بو گزارشده سیلاولر ایشیگه ملی مجلس ارهلهشیشی و بو ادارهلر تامانیدن فرعی قانونلرنی وضع ایتیلیشی قانونچیلیک قوهسی آرقهلی خطاگه یول قوییلگن موضوعلردن بولگنلیگی اشاره ایتیلگن. شو کبی افغانستان ایرکین تشکیلات اویینینگ گزارشیده، قیزلرنی اوییدن قاچیشی جنایت توشینیلیشی، مخصوص محکمهلر یرهتیلیب و قضایی عدالت تامین ایتیلمهگنلیگی مملکت اساسی قانونینینگ قضایه قوهسی آرقهلی بوزیلگن موردلر سنهلهدی.
افغانستان ایرکین تشکیلات اویی مسووللری، مذکور گزارشنی تیارلشده ایشانچی حجتلر جملهدن اساسی قانوننی نظارت قیلوچی کمیسیون، پارلمان و سنا مجلسینینگ قوشیمچه کمیسیونلری، عدلیه وزیرلیگینینگ بیر قنچه حجتلری، سیاسی ایش بیلرمانلرنینگ نظریهلریدن تشقری صلاحیتلی و نفوذلی شخصلر آرقهلی قولمه قول بوله دیگن مهم حجتلرگه تَیهنیب تیارلنگن.
بو ادارهنینگ مسووللریگه کوره، مذکور گزارش کمیده اوچ آی ایچیده ترکیبی و تحلیلی اساسده تیارلنگن. گزارشنی تیارلشدن نیت اساسی قانون اهمیتی همده بو مساله خبرچیلر و تحقیقی ادارهلر نظریدن یاشیریلیشی بولگن.
گزارشده حکومتنینگ عالی سطحیده قانونچیلیک مدنیتی بولمهگنلیگی بیلدیریلگن و چمهسی بوتون افغانستان جمعیتیده قانوندن قاچیش حکم سوریشی بیلدیریلگن.
ایرکین تشکیلاتی اویینینگ ایکینچی گزارشیده، اساسی قانون بوزیلیشی درست توشینمسلیک و قانوندهگی غیر طبیعی، اساسی قانون مادهلریدهگی نا انیقلیک، قدرت و صلاحیتلرنی سوء استعمال قیلیش، مالی و اداری فساد، ایریم موردلرده زوروانلرنی ارهلهشیشی اساسی قانون بوزیلیشینینگ ییریک موردلریدن حسابلنهدی.
اوشبو گزارشنینگ نتیجهلری بوییچه، اساسی قانونگه ضد 46 فرعی قانون توزهتیلگن، حال بوکه برچه قانونلر اساسی قانونگه موافق توزهتیلیشی ضررو. گزارشده قاضیلر صلاحیت و تشکیل قانونی، حربی محکمه صلاحیت و تشکیلی، عاموی اخبارات واسطهلری، سرپرستلیک قانونی، محروم بالهلر، تدارکات قانونی بوزیقلیگی، ناحربی ملازملر بارهسیده گی موردلر، سیلاولر، پولیس قانونی و مخدر مالرگه گه قرشی کورهشیش اداره کبیلر اساسی قانونگه ضد توزیلگن فرعی قانونلردن بولگنلیگی ایتیلهدی.
بو تشکیلاتنینگ رسمیلری، اساسی قانون اوگزرتیریلیشی لازم لیگینی تاکیدلب، بعضی موردلرنی تکلیف قیلگن. تیزیم پارلمانیدن صدارتیگه المشتیریلیشی اوچون تشکیل بولهدیگن جرگهدن حکومت کوپراق فایدهلنیب باشقه قانونلرگه قول اوریشینی سورهگنلر.
تشکیلات اعضالری،مملکت تیزیمی اوزگرتیریلگندن کیین قومی توقیلمه نظردن توشمسلیگی اوچون جمهور رییس اوزیگه اوچ قوم دن اوچ اورین باسر انابتگه آلیشی سورهلگن.
1393- ییل ده تاسیس بولیب، کوپراق مدیا ساحهسیده فعالیت قیله دیگن افغانستان ایرکین تشکیلات اویی تورلی گزارشلر تیارلشدن علاوه تحقیقی مطالعات تحقیقی ژورنالیزم ساحهسیده هم فعالیت قیلیب کیلهدی.
