معارف وزیرلیگی رسمی‌لری‌نینگ ایتیشیچه، کیله‌جک 10 ییل «معارف دهه‌سی» ناملنگن ریجه جمهورلیک ریاستی گه یوباریلگن و بو ریجه جمهور رئیس تامانیدن تصدیق‌لنگن.
معارف وزیرلیگینی سوزلاوچیسی نوریه نزهت نینگ سلام‌وطندارگه ایتیشیچه، معارف وزیرلیگی‌نینگ رهبرلیگی کیله‌جک 10 ییل‌گچه نیازلرگه جواب قیته‌ره‌دیگن معارف توزه‌تیش اوچون سعی و حرکت قیله‌دی.
خانم نزهت گه کوره، بو ریجه‌نینگ عملی ایتیلیشی بیلن مکتب‌دن فارغ بولگن طلبه‌لرنی بیلیم و ایترلی مهارت‌لر آرقه‌لی ایش بازاری گه یول تاپیش‌لری ممکن.
اونینگ ایتیشیچه، معارف وزیرلیگی بو "دهه" ده معارف کیفیتی‌نی یوقاری ایلتیش چکه‌سیده، همکارلیک قیله‌دیگن نهادلر، یشاوچیلر و مدنی جماعه هماهنگ‌لیگی آرقه‌لی اوقووچی‌لر ایسته‌گی اساسی‌گه تعلیمات بیریش سیستمه‌سی اوستیگه ایش‌لیدی.
جمهور رییس غنی، قویاش 1397-ییل‌نی مملکت معارفی‌دن حمایت قیلیش ییل اعلان قیلگن ایدی.
