یونسکو ادارهسی، مذکور ادارهنینگ مدنی آبدهلری یمن پایتختی صنعا شهریده سعودی عربستان رهبرلیگیدهگی اتفاق هوا کوچلری آرقهلی هجوم آستیگه آلینگنینی تنقید قیلدی. بیراق سعودی عربستان گه کوره، اوشبو هجومدن نیت مذکور تاریخی منطقهنی بوزیش بولمهگن.
جمعه کونی 22- جوزا عربستان رهبرلیگیدهگی اتفاق کوچلری تامانیدن صنعا شهریده اویوشتیریلگن هجوم نتیجهسیده آلتی کیشی هلاک بولگن و مذکور شهر تاریخی اثرلری نینگ بیرقسمی ویران ایتیلگن.
رویترز خبرنامهسی نینگ گزارشیگه کوره، صنعا شهرینینگ یشاووچیلری بیش کیشی جسدینی مذکور منطقه ده توپراق آستیدن چیقارگنلر.
صنعا شهری یشاووچیلرینینگ رویترز خبرنامهسیگه ایتیشیچه، جمعه کونی ایرتهلب ساعت 3 ده هوایی هجوم یکونلنگنیدن کیین اوییدن چیقیب، بوتونلهی بوزیلگن اوچ یشش بنانی گواهی بولگن.
یونسکو ادارهسی نینگ تربیتی، علمی و مدنی بولمی نینگ باش کاتبی ایرینا بوکووا تامانیدن مذکور ادارهنی رسمی سایتیده نشر ایتیلگن بیانیهده عربستان دولتی نینگ بو ایشی قارهلنگن. « یمننینگ بیش اهالیسی هلاک بولگنی و اسلامی شهرنینگ ایسکی اثرلریدن بیرقسمی بوزیلگنی توغریسیده نشر ایتیلگن خبرنی ایشیتیب جوده قیغولندیم دیگن او».
سعودی عربستان رهبرلیگیدهگی هوا هجومی 11 هفته دن بیری یمننینگ حوثیده دوام ایتماقده. عربستان و اونگه اتفاق عرب امیرلیکلری یمننی قاچیریلگن جمهور رییسی منصور هادینی قیتهدن قدرتگه ییتیشتیریش اوچون سعی و حرکت قیلهدی.
بیراق سعودی عربستان رسمیلری نینگ مذکور مملکت رهبرلیگیده صنعا شهری اوستیگه اویوشتیریلگن هجومدن کیین اعلام قیلیشیچه، مذکور تاریخی اثرلرنی بوزیش اوچون اتهین هجوم عملگه آشیریلمهگن.
شیعه مذهب حوثی لرگه کوره، ایران دولتی اولرگه یاردم بیرهدی و یمن نینگ کوپینچه منطقهسی گه حاکم بولگنلر.
دنیا بویلب ساغلیقنی سقلش ادارهسی نینگ گزارشیگه کوره، یمنده توقنه شوو باشلنگندن بویان 2584 کیشی هلاک ایتیلگن و 11 مینگ دن آشه راق انسان یرهلنگن. مذکور اداره گه کوره، یمن نینگ 80 فایز جمعیتی انسان پرورلیک یاردم ییتکزیب بیریلیشینی کوتهدی.
