.jpg)
د هلمند ولایت امنیتي مسوولان وايي، د زرنج ـ دلارام پر لویه لاره یې د طالبانو لهخوا جوړ شوی ګمرک له منځه وړی دی.
د ۲۱۵ میوند قول اردو قوماندان جنرال وليمحمد احمدزي سلاموطندار ته وویل امنیتي ځواکونو نه یوازې د زرنج ـ دلارام پرلویه لاره د طالبانو ګمرک لهمنځه وړی، بلکې د ملي اردو کنډکونه ځای پر ځای شوي او هلته یې عملیات پراخ کړي ترڅو سیمه د طالبانو له وجوده پاکه کړي.
وليمحمد احمدزی وايي، د زرنج ـ دلارام د لویې لارې امنیت خوندیتوب لهپاره یې امنیتي پوستې هم جوړې کړي دي.
ښاغلي احمدزي په ټینګار سره وویل، تر راتلونکیو څو ورځو به د نیمروز لویې لارې امنیت ټینګ کړي او پرې به نږدي چې له افغان سوداګرو ناقانونه پيسې واخیستل شي.
.jpg)
د نیمروز ولایتي شورا مشر بازمحمد ناصري وايي، لاهم د نیمروز لویه لار کې امنیتي ګواښونه موجود دي او امنیتي ادارې یې باید د حل په برخه کې غوڅ کار وکړي.
دی وايي، د سوداګرو لهپاره د دغې لویې لارې خلاصول او د امنیت ټینګښت یې خورا مهم دی.
د نیمروز پر لویه لاره کې د طالبانو ګمرک لهمنځه وړلو خبر داسې وخت کې کېږي چې ویل شوي طالبان له دې لارې په ورځ کې ۵۰ لکه افغانۍ عاید ترلاسه کوي.
وسلهوال طالبان د ګمرک په نوم دغه پیسې یوازې د نیمروز لويې لارې پرسر نه، بلکې د فراه پر لویې لارې هم له موټرو چلوونکیو اخلي.
