افغانستان شمالی‌ده جایلشگن بلخ ولایتی مزارشریف شهری، هر ینگی ییل عره‌فه‌سی و قیزیل گل بیره‌می‌ده مینگ‌لرچه چیت ایللیک و ایچکی مهمان‌گه میزبانلیک قیله‌دی. افغانستان بویلب مینگ‌لرچه کیشی، ینگی ییل مراسمی‌نی اوتکزیش نیتی‌ده مزار باریب و شو پیت‌ده شهر توسی کوکلم‌گه اوزگره‌دی.
قیزیل گل و جهنده بالا مراسمی‌گه اشتراک ایتگن مملکت یشاوچی‌لریدن بیرقطاری‌نینگ سلام‌وطندارگه ایتیشیچه، قیزیل گل و جهنده بالا مراسمی اوچون هر ییل مزار کیله‌دیلر و بو شهرنینگ کوکلم‌لی هواسی‌دن لذتلنه‌دیلر.
ینگی ییل مراسمی اوچون مزارشریف کیلگن کابل یشاوچیسی سهیل‌نینگ ایتیشیچه، مزارشریف‌نینگ تاغلری و دله‌و دشت‌لری ینگی ییل‌ده قیزیل گل بیلن بیزه‌لب و طبیعت‌گه ینگی توس بخشله‌یدی.
جوزجان ولایتی‌دن مزارشریف‌گه کیلگن فرحنازنینگ ایتیشیچه، او، هر ییل عایله اعضاسی بیلن بیرگه قیزیل گل و جهنده بالا بیره‌می اوچون مزارشریف کیله‌دی و ینگی ییل باشله‌نیشی‌ده عایله‌سی‌نینگ یانیده بلخ طبیعتی چیرایلیگی‌دن لذت‌لنه‌دی.
پروان یشاوچی‌لریدن بیری احمد فیاض، بلخ امنیتی رسمی‌لریدن اوتگن ییل‌لردیک مزارشریف خوفسیزلیگی‌نی جدی شکلده تأمین‌لشینی سوره‌یدی.
بلخ امنیتی رسمی‌لری‌نینگ ایتیشیچه، اولر قوشمه شکلده امنیتی چاره تدبیر کورگن‌لر و ینگی ییل مراسمی تینچلیک‌ده اوتکزیلیشی اوچون اهالی‌گه ایشانچ بیره‌دیلر.
سلام‌وطندار بیلن صحبت اوتکزگن بلخ پولیس قومندانی سیدکمال سادات‌نینگ ایتیشیچه، اولر، ینگی ییل و قیزیل گل بیره‌می‌ده شهر امنیتی یخشی‌لنیشی اوچون شهرنینگ کلیدی ییرلریده ملی حربی، ملی پولیس، نظم‌و عامه، چیگره کوچلری و ملی خوفسیزلیک همکارلیگی‌ده 5 امنیتی کمربند قورگن‌لر.
شونینگ‌دیک، مملکت شمالی چیگره پولیس قومندانی میرنعیم حیدری‌نینگ ایتیشیچه، ینگی ییل مراسمی‌ده اهالی امنیتی تأمین ایتیلیشی خصوصیده، شهر اطرافیده 500 دن آرتیق چیگره پولیس عسکری جایلشتیریلگن و اهالی تینچلیک‌ده ینگی ییل‌نی نشانله آله‌دی.
قیزیل گل بیره‌می حضرت علی جهنده‌سی کوتریلیشی بیلن مزارشریف شهریده باشلنه‌دی و 40 کونگچه دوام ایته‌دی.
