ییلده 58 مینگ کیشی افغانستان‌ده سل کسللیگی‌گه چلینیب، اولردن 13 مینگه یقینی حیایت‌لرینی قول‌دن بیره‌دی.
افغانستان ساغلیق‌نی سقلش وزیری فیروزالدین فیروزنینگ بو سوزلرنی سل کسللیگی‌گه قرشی کوره‌ش خلق ارا کونیده تیل‌گه آلیب ایتیشیچه، افغانستان‌ده بو کسللیک قربان‌لری سانی کوپ بولیشی‌گه قره‌مسده، لیکن بخت‌گه موافق مذکور کسللیک‌نی دوالش اوچون مملکت‌ه امکانیت موجود.
اونگه کوره، سل کسللیگی‌گه کوپراق عیاللر چلینه‌دیلر. جناب فیروزی، افغانستان حکومتی مذکور کسللیک‌که قرشی کوره‌شیش اوچون صحی خذمت‌لر همده اهالی معلوماتی‌نی آشیرش‌گه لازم شرایط یره‌تیش‌نی تیل‌گه آلگن.
خاتین‌لر، باله‌لر، قشاق کیشی‌لر، توییب آوقت لنمیدیگن‌لر، کیکسه‌لر، قاچقین‌لر و ایچکی آواره بولگن‌لر کوپراق مذکور کسللیک‌که چلنیش خطرلریگه روپه ره لر.
شونینگ‌دیک جناب فیروز، 2014- ییلده افغانستان‌ده چمه‌سی 58 مینگ سل واقعه‌سی تخمین قیلینگنی و اوشبو رقم دن 56 فایزی انیق‌لنگن لیگی‌نی بیلدیرگن.
افغانستان اوچون دنیا ساغلیق‌نی سقلش تشکیلاتی‌نینگ وکیلی ریک پیپرکورن‌گه کوره، صفت‌سیز دارولربیلن سل کسللیگی‌نی دوالش افغانستان‌لیک‌لر ساغلیگی توغری‌سیده‌گی باشقه بیر معما دیر. اونینگ سوزلریگه قره‌گن‌ده، دنیا خلق ارا ساغلیق‌نی سقلش تشکیلاتی افغانستان همکارلیگی بیلن اوشبو کسللیک‌نی ایلدیزدن یوق قیلیش‌گه سعی و حرکت قیله‌دی.
افغانستان دنیاده‌گی سل کسللیگی‌دن اذیت چیکه دیکن 22 مملکت‌دن بیری.
یوقیملی سنلنگن سل کسللیگی کوپینیچه اوپکه گه جدی زیان ییتکیزه‌دی. ایتیلیشیچه، ایدز کسللیگی‌دن کیین سل انسان‌نی تیز اولدیرده دیگن ایکینچی کسللیک حسابلنه‌دی.
