افغانستان خلقی اینیقسه کابل اهالیسی ییر آستی سوونی سابقه‌سیز روش‌ده فایده‌له‌نیشی کیلگوسی 25 ییلده اهالینی سوو تنقیسلیگی بیلن روپه ره قیله‌دی.
حماملر، موتر و قالین یوویش مرکزلری همده ییریک شهرلریگه سوو ییتکزیب بیریش خصوصی شرکتلرنینگ ییر آستی سوولردن حددن تشقری فایده‌له‌نیشی شهرلرده سوو میزانی کمه‌شی نینگ بیرینچی عامل حسابلنه‌دی.
شهر قوریش وزیرلیگی نینگ کانالیزیسیون و سوو ییتکزیش بولیمی رییسی ریاض‌درمل سلام‌وطندار بیلن قیلگن مصاحبه‌ده، مملکت ییریک شهرلرینینگ یشاووچیلری سوونی سابقه‌سیز روش‌ده فایده‌لنه دیلر دیگن. بو مساله ایسه کون ساین ییر آستی سوو میزانی کمه‌ییششی‌گه باعث بولگن دیدی رسمیلر.
جناب درمل، سوو برق وزیرلیگی نینگ لایحه‌سی اساسیده بوندن کیین کونده بیش متر مکعب سوو مصرف قیله دیگن اویلرده میتر قوریلیشی باره‌سیده خبر بیرگن.
جناب درمل، سوو برق وزیرلیگی ییر آستی سوونی کوپیتیریش مقصدیده خارجی بیر شرکت بیلن شرطنامه امضاله‌گن لیگینی ایته‌دی. اونینگ سوزلریگه کوره، شرطنامه گه موافق مذکور خارجی شرکت دریا سوولرینی تازه‌لب بو یول بیلن ییر آستی سوولرنی حمایه قیله‌دی. بو اصول ایسه سوونی صنعی چارج قیلیش دییه ناملنه‌دی دیگن درمل.
کابل‌دن تشقری هرات، قندهار، مرازشریف‌ده ییر آستی سوو سیزیلرلی درجه‌ده قُویی کیتگن ولایتلردن حسابنله‌دی.
ریاض درمل، میلادی 1975- ییلده سوو نینگ یوقاریلیگی کابل‌ده 6 متر مکعب بولگن، اما هلی ایسه سوو نینگ چقورلیگی 40 متر قُویی کیتگن دیگن. جناب درمل نینگ تعبیریچه، سوودن فایده‌له‌نیش حاضرگیدیک دام ایتگن حالده، کیلگوسی 25 ییل ایچیده کابل ییر آستی سوولری قوریشی ممکن.
شونینگدیک کابللیکلرنینگ ایریملری سوو قُویی کیتگن لیگی توغریسیده خواطر بیلیدیریب، سوو حددن تشقری فایده‌له‌نیلیشی باعث سوولر منبعی ایسه توزلی بولیشی‌گه یوز توتگن دیدیلر.
کابل شهری احمدشاه بابامینه منطقه‌سی نینگ یشاووچیلریدن بیری محمد اسماعیل، ییر آستی سوو درجه‌سی قُویی کیتگن‌لیکی اهالی نینگ جدی تشویشگه قالدیرگن دیگن. اولر، تازه ایچیم‌لیک سوونی مینگ بیر قیین‌چیلیک بیلن تیار قیلیشلرینی ایته‌دیلر.
کابل شهری اون اوچینچی ناحیه‌سی نینگ یشاووچیسی احمدشاه رسولی، منطقه‌لریده‌گی خانه‌دانلرنینگ کوپینچه‌سیده تازه ایچیم‌لیک سوو یوق؛ لیکن، سووی بولگن عایله‌لرهم بو توغریده بی‌فرق یانده‌شیشلرینی ایته‌دی.
کابل شهری کارته سخی منطقه‌سی نینگ یشاووچیسی شفیق نوری، تازه ایچیم‌لیک سوونی پول مقابلیده قولگه کیرتیشنی ایته‌دی. بیر آیده فقط تازه ایچیم‌لیک سوو اوچون 500 افغانی بیره‌من دیدی او.
بیلیم یورت استادی همده سوو متخصصی نجیب فهیم سلام‌وطندارگه بیرگن صحبتی‌ده، کابل شامل مملکت‌نینگ جمعیت سانی کوپیگن شهرلریده یشاووچیلر کیله‌جکلرده سوو تنقیسلیگی گه روپه‌ره بوله دیلر دیدی. اونینگ ایتیشچیه، اوتکزیلگن تیکشیروولرده کابل شهری ییر آستی سووی‌نینگ قابلیتی 29 میلیون متر مکعب دیر، امال ییلده 31 میلیون متر مکعب سوو ایسه فایده‌لنیله‌دی.
اونینگ تعبیریچه، کابل و باشقه ییریک ولایتلرده سوو حاضرگی دیک کینگ کولمده استفاده بولگن تقدیرده، 15 ییلده ییر آستی سوو صفر بولیشی ممکن.
بیلیم یورت نینگ مذکور استادی، بو معمانینگ آلدینی آلیش آسان دیدی. قرغه، میدان وردک، شاه وعروس و پنجشیر توغانی نینگ سووینی کابل شهریگه یونلتیریش بیلن بو قیین چیلیک‌نی حل ایتیش امکان‌دن اوزاق ایمس‌لیگی بیلدیرگن.
