.jpg)
بیرقنچه شخص‌لر اجتماعی انقلاب‌لر هر دایم جمعیت رواجله‌نیشی اوچون ییریک توسیق بولیب کیلگن دیگن‌لر. هر بیر وقت جمعیت طبیعی حالت‌ده استه – سیکین روش‌ده رواجله‌نیش‌گه آدیم کوتارگن‌ده اوشبو انقلاب‌لر ترقیات باسقیچی‌نی باشقه تامان یونلتیرگن. افغانستان هم اوتگن یوز ییل‌ده انقلاب‌لر، تونتریش‌لر و کوپلب ایچکی اوروش‌لرنینگ گواهی بولگن و هر بیر دورده هم دنیا قدرت‌لری‌نینگ اوینچاغی بولیب کیلگن. بو مملکت نینگ خلقی بیلیب، یا – ده بیلمس‌دن باشقه دولت‌لر ملی منفعت‌لری تامین بولیشی اوچون بیر- بیراولریگه قرشی اوروش النگه‌سی توتتگن‌لر. بونینگ نتیجه‌سی ایسه بیر- بیراونی ییرتیب نهایت‌ده بوگون‌که قشقالیک و بخت‌سیزیلیککه نصیب بولگنمیز.
ییگیرمنچی عصر مابینی و دقیقاً ساووق اوروش باشله‌نیشی‌دن کیین حزبل‌ر، گروه‌لر و حتی افغانستانلیک عادی خلق هم شرقی بلوک یا – ده غرب دنیاسی نینگ خذمتی‌ده بولگن‌لر. افغانستان اوشه چاغدن بویان امریکه و شوروی منفعتی اوچون اوروش میدانی بولیب کیلگن. امریکه سابق ملی امنیت اداره‌سی‌نینگ مصلحتچی‌سی برژینسکی جهادی‌لرگه خطاباً نطق سوزلب، تیزلیک‌ده اسلام قوشی‌نی کافرلر لشکری برابریده موفقیت‌گه ایریشه دی دییه بشارت بیرگن. مینگلب کیلو متر یول باسیب کویته‌گه کیلگن برژینسکی جهادی‌لرگه تکرار قولاق اوریب " خدا سیزبیلن؛ شوروی مقابلی‌ده قتیق تورینگ" دیگن.
مملکتی‌نینگ منفعتی اوچون دنیانینگ او تامانیدن کیلگن سیاستچی‌نینگ بیزنی الده‌شی جوده دردلی بیر احوال. عین حالده، اونینگ حکومتی قورال اسلحه‌سینی آلیب پولینی ییب اونینگ منفعتی‌گه اوروش قیلیشیمیز کیچیریلمس بیر حال بولگنی تورگن بیر گپ. کابل‌ده حکومت قیله دیگن اوشه زمان دولتی هم جدی شکلده سابق شوری‌نینگ باسیمی استیده بولیب، حربی و اقتصادی حجت‌دن هم اوزینی کرملین سرایی تاثیری آستیده چیقره‌آلمسدی.
برژینسکی توغری – یا ناتوغری شکلده سابق شوروی حمایتی اساسیده وجودگه کیلگن حکومت مخالف‌لرینی اشدیچی‌لیک فکرلرنی کوچلنتیریش اوچون قنچه‌لیک سعی وحرکت آلیب بارگنی هیچ گپ ایمس. افغانستانلیک عادی خلق سابق شوروی افغانستان‌گه هجوم قیلمس‌دن آلدین سیاسی اسلام بیلن اونچه‌لیک تانیش بولمه‌گنلر. لیکن، ییتینچی و سیکیزینچی ثور بیردن‌گه همه سینی اوزگرتیردی. افغانستان اینیقسه قیشلاقلرده دین دن مخصوص قرائت تبلیغ ایتلیشی رواجلندی. برژینسکی سابق شوروی نابود ایتیلیشی اوچون عرب مملکت‌لری اشدی قورال‌لی‌لرینی افغانستان اوروشی‌گه تارتدی.
اوندن کیین، افغانستان اوروشی کوپراق مرکبله‌شیب، وضعیت شوروی، امریکا و افغانستان حکومتی اداره‌سیدن چیقدی. کیین بوتونلی همه نرسه پاکستان و عربی دولتلری اختیاریده بولگن؛ افغانستان تقدیری باره‌سیده اصلی قرارنی آلوچیلر منه شو پاکستان و عرب دولتلری بولیب قالگن.
اوروش، اورته‌چه‌لیک یریم بیردملیکنی هم بوتونلی نابود قیلگن. بیزنی استه – سیکین رواجله‌نیش یولی‌دن چیقاریب قشاقلیک و کمبغلیک‌نی عایله‌میزگه آلیب کیلدی. طلبه‌لیک جنبش‌لرهم اصلاح طلب‌لیک انگیزه و فکرلر بیلن بیلیم یورت‌لرده فعال بولگن. برچه سی‌دن یامانی طالبان ناملی قره تیزیم‌نی وجودگه کیلیب، مملکت بویلب سیاه بخت‌لیک کولنکه‌سینی یایدی. بو جریان‌ده بوتون حربی، سیاسی، اقتصادی اجتماعی و مدنی توزیلمه‌لر یوق قیلینیدی.
