یونما یا افغانستان‌ده بیرلشگن ملت‌لر تشکیلاتی‌نینگ وکالت‌خانه‌سی، مملکت‌ده بوتون محبوسلر منتظم روش‌ده صحی خذمت‌لردن فایده‌لنه آلمی‌دیلر دیگن. "افغانستان تورمه‌لریده‌گی صحی خذمت‌لرنی تیکشیریش" نامی‌ده اوتکزیلگن سوراوده کیلگن گزارش‌نینگ معلوم قیلیشیچه، مملکت‌ده‌گی برچه تورمه‌لرده اساسی شکلده ساغلیک خذمت‌لری یره‌تیلگن لیگی‌گه قره‌می، بیر تورمه‌دن باشقه تورمه‌ده محبوسلر صحی خذمت‌لردن ایش آلیش‌لری فرقلی بولگن. گزارشده، محبوسلر سانی کوپ بولگن تورمه‌لرده محبوسلر درست شکلده طبی کوریک‌دن اوتیش اوچون محروم لر.
بو حسابات‌نینگ بیلدیریشیچیه، همه تورمه‌لرده‌گی محبوسلر روحی همده مخدر ماده‌گه بیریلگن‌لیک‌لری دواله‌نیش شرایط بولمه‌گن لیگیدن علاوده محبوسلر تیشلرینی یوویش اوچون سلامت‌لیک خذمت‌لر یوق لیگیدن نالیگنلر.
تورمه‌لرده ییترلی درجه‌ده عیال شفاکارلر بولمه‌گن‌لیگی باشقه بیر قیین‌چلیک بولگن‌لیگی گزارشده تاکیدلنگن. شونینگ‌د‌یک گزارشده عیال محبوسلر تورمه‌ده باله توغیش‌دن آلدین همده باله دنیاگه کیلتیرگن‌دن سونگ جدی شکلده چیکلاولرگه روپه‌ره بولیش‌لری تاکیدلنگن.
یونما شبهه‌لی قیناق‌لر توغریسی‌ده معین لایحه بولمه‌گن لیگینی بیلدیریب، انسانیت‌گه قرشی و حقارتلی یانده‌شیلیش‌لردن خواطر بیلدیرگن. یونما، بو معما برطرف ایتیلیشی اوچون ایچکی ایشلر وزیرلیگی‌دن بو خصوصده اعتبار بیریش‌نی سوره‌گن.
ساغلیق‌نی سقلش و ایچکی ایشلر وزیرلیگی اورته‌سیده هماهنگلیک یره‌تیش، تورمه‌لر شرایطی‌گه موافق شفاکارلر سانینی آشیریش، روحی کسل‌لیکلر اوچون زمینه یره‌تیش، تیش داکتری و اینیقسه خاتین‌لر اوچون جدی شکلده صحی خذمت‌لر نظرده توتیلیشی افغانستان تورمه‌لریده صحی وضعیت‌لر یخشی بولیشی اوچون یونمانینگ حکومت‌گه قیلیگن تکلیف‌لریدن حسابلنه‌دی.
یونمانینگ حساباتی‌ده، حاضرگی کونده افغانستان ولایت‌لریده‌گی تورمه‌لرده 25300 محبوس قماق مدتینی اوته‌ماقده. گزارشده مملکت‌نینگ تورمه‌لریده عمومن آلگن‌ده صحی خذمت‌لر اونچه‌لیک یخشی بولمه‌گن‌گلیگی تاکیدلنگن.
