افغانستان بوییچه بیرلشگن ملت‌لر تشکیلاتی نینگ اورین باسرلیک هیأتی یا-ده یوناما بیر خبرنامه آرقه‌لی ایتیشیچه، افغانستان بوییچه سیلاو ایرکین کمیسیونی نینگ مسؤوللری، آوازلرنی سنه‌ش مدیریتی و جمهورلیک ریاست سیلاوی نینگ نتیجه‌سینی توپلش بولیمی‌ده جدی قیین‌چیلیک‌لرگه دوچ کیلگن.
اوشبو خبرنامه‌ده یوناما سیلاو ایرکین کمیسیونی نینگ مسؤوللریدن افغانستان سیلاوی گه عاید بوتون قانون و قاعده‌لرنی نظرگه آلیب و اولرگه حرمت قیلیشی‌نی سوره‌گن.
یونامانینگ خبرنامه‌سیده کیلیشیچه، سیلاو کمیسیونی نینگ مسؤوللری ایشلریده شفافیت‌نی تأمین‌لب و تیزلیک‌که جمهورلیک ریاست سیلاوی نینگ نتیجه‌سینی اعلان قیلیشی کیره‌ک.
سیلاو ایرکین کمیسیونی نینگ نیچه وقت آلدین آلگن قراری اساسیده، مملکت ولایت‌لریده 8 مینگ‌دن آرتیق آواز بیریش محل نینگ آوازی قیته سنه‌لیشی کیره‌ک. سیلاو کمیسیونی نینگ بو قراری سیلاو تیم‌لریدن بیرقطاری نینگ جدی عکس‌العملی گه روپه‌ره بولیب و بو جریان نی تحریم قیلیشدی.
سیلاو ایرکین کمیسیونی نینگ بوقراریدن سونگ، برقرارلیک و یقینلیک سیلاو تیمی نینگ رهبری عبدالله عبدالله نینگ اعلان قیلیشیچه، آوازلر مذکور تیم نینگ نظارتچی‌لرینی غیابیده قیته سنه‌لگن صورتده، سیلاو نتیجه‌سینی اولر قبول قیلمه‌یدی.
شو توغریده…
یقینلیک و برقرارلیک سیلاو تیمی آوازلر قیته سنه‌ش جریانی‌نی تحریم قیلدی
