.jpg)
افغانستان بوییچه بیرلشگن ملت‌لر تشکیلات دفتری (یوناما) نینگ ینگی گزارشی‌ده کیلیشیچه، میلادی 2015- ییل افغانستان عیال‌لری‌نینگ قربانلیک میزانی، میلادی 2014- ییل‌گه قره‌گنده 37 فایز کوپه‌یگن.
افغانستان‌ده زوره‌وانلیک و ناتینچ‌لیک دوام ایتگنی باعث، مملکت عیال‌لری‌نینگ قربانلیک میزانی آشگن.
بیرلشگن ملت‌لر تشکیلاتی‌نینگ معلوماتی اساسیده، میلادی 2015- ییل بشر حقی و عیال‌لر حقوقی‌گه قرشی تهدیدلر میزانی آشگن و بونگه قوشیمچه دولت و نادولت اداره‌لرده عیال‌لر حضوری پایتخت و ولایت‌لر مرکزی‌ده کوپه‌یگن.
اوشبو تشکیلات‌گه کوره، عیال‌لر حاضرگچه دولتی مهم پست‌لرگه آز کورینه‌دی.
افغانستان‌ده عیال‌لرنینگ ایشلری بوییچه بیرلشگن ملت‌لر تشکیلاتی‌نینگ نماینده‌سی الزیرا ساگینبایموانینگ ایتیشیچه، امنیتی و ضعیت یمان‌لیگی عیال‌لرنینگ کیله‌جکی اوچون جدی تهدید سنله‌دی.
افغانستان عیال‌لری‌نینگ سیاسی رولی توغری‌سیده خانم ساگینبایموانینگ ایتیشیچه، افغانستان دولتی تینچلیک سوزلشوولریده عیال‌لرگه هم سهمیه بیریب و مملکت امنیتی بیلن برقرارلیگی‌نی تأمین‌لش خصوصیده عیال‌لرنی کم سیتمس‌لیگی لازم.
افغانستان عیال‌لری‌نینگ ایشلری بوییچه بیرلشگن ملت‌لر تشکیلاتی‌نینگ نماینده‌سی، پارلمان و تومن‌لر سیلاولریده عیال‌لر اشتراکی لایحه‌گه ایشانچ بیریب و اونی کینگه‌یتیریشی‌نی ایتگن.
شونینگ‌دیک، اوتگن کون خلق ارا عیال‌لر کونی‌دن نشانلش مراسمی‌ده سوزگه چیقگن افغانستان بوییچه بیرلشگن ملت‌لر تشکیلاتی باش کاتبی‌نینگ خاص نماینده‌سی نیکولاس هیسم‌نینگ ایتیشیچه، بیرلشگن ملت‌لر تشکیلاتی دایمی تینچلیک و امنیت تأمین ایتیلیشی‌گه عیال‌لر اشتراکی اوچون افغانستان‌گه یاردم بیره‌دی.
