دنیا بوییچه فمنیستی حرکت‌لر دییرلی درجه ترقی‌لشگنی گه قره‌گنده، دنیاده سیاسی، اقتصادی و مدنی بولیم‌لرده ایرکک‌لرگه نسبتَن عیاللرنینگ حضوری حاضرچه هم آز کورینه‌دی.
دنیانینگ بوتون مملکت‌لرینی آره‌سیدن 17 مملکت نینگ مدیریتی عیاللرنینگ قولی ده دیر. اوشبو مملکت‌لرده عیاللردن 18% وزیرلیک مقام‌لریگه ایریشگن‌لر و توپلم شکلده مملکت‌لرده نماینده‌لر کینگشی‌نینگ 34% نی عیاللر تولدیرگن.
سیاسی بولیم ده عیاللرنینگ حضوری نه‌فقط سنتی و مذهبی مملکت‌لرده آز، بلکیم ترقیات و امکانیت گه ایگه مملکت‌لر هم عیاللرنینگ حضوری اوچون ییترلیچه زمینه یره‌تمه‌گن.
بو گزارش‌ده، 8- مارچ، دنیا عیاللری‌نینگ بیردملیک ایامی‌نی بهانه قیلیب محافظه‌کار مملکت‌لرده مهم مقام‌لرگه ایریشگن عیاللردن بیرقطاری‌نینگ تانیشتیره‌میز.
حلیمه یعقوب
حلیمه یعقوب، سنگاپورنینگ مسلمان عیال بولگن بیرینچی جمهور رئیسی دیر. خانم یعقوب بوندن آلدین، سنگاپورنینگ نماینده‌لر کینگشی‌ده باشلیغ صفتیده ایش قیلگن. او، سنگاپورنینگ بیلیم یورتیدن حقوق بولیمیده لیسانس و ماسترلیگینی قولگه کیریتگن.
حلیمه یعقوب ایش فعالیتی‌نی 1978- ییل‌دن سنگاپورنینگ سوداگرلیک بیرلشمه‌سینی ملی کنگره‌سیده باشله‌گن و میلادی 2001- ییل‌ده سیاست میدانی گه کیرگن.
شیخ حسینه
شیخ حسینه وازد، بنگله‌دیش نینگ 10- باش وزیری دیر. او، 2009- ییل‌دن بویان باش وزیرلیک مسؤولیتینی قولگه آلگن و 11 ییل‌دن بویان قدرتده قالگن بنگله‌دیشی‌لیک بیرینچی باش وزیر دیر.
71 یاشیده بولگن شیخ حسینه، بنگله‌دیش نینگ بیرینچی جمهور رئیسی بولگن شیخ مجیب‌الرحمن نینگ قیزی دیر.
شاهدخت ریما
سعودی عربستان، میلادی 2019- ییل، جنوری آیی‌نینگ باشلریده بیرینچی مرته بیر عیال‌نینگ مذکور مملکت نی ایلچیسی صفتیده آمریکاده تعیین قیلدی. 44 یاشیده بولگن شاهدخت ریما، سعودی عربستان نینگ بیرینچی عیال ایلچیسی دیر.
شاهدخت ریما، آته‌سی بندربن‌سلطان‌آل‌سعود آمریکا بوییچه سعودی عربستان نینگ ایلچیسی بولگن چاغیده، نیچه ییل‌نی آمریکاده اوتکزگن. او، اوقیش حجتی‌نی جورج واشینگتن بیلیم یورتی دن قولگه کیریتگن.
عادله راز
عادله راز، بیرلشگن ملت‌لر تشکیلاتی‌ده افغانستان نینگ دایمی نماینده‌لیک مقامی‌نی قولگه کیریتگن بیرینچی عیال دیر. خانم راز، پکتیکا ولایتیده توغیلگن و امریکا قوشمه ایالت‌لری‌نینگ تقتس بیلیم یورتی ده حقوق و دپلوماسی بولیم‌لریده درس اوقیگن.
او، افغانستان جمهورلیک ریاستی‌نینگ سوزلاوچیلیک دفتری‌نی اورین باسری و ملاقات مدیری، عیاللرگه قرشی زوروانلیک‌لردن گزارش بیریش اوچون بیرلشگن ملت‌لر تشکیلاتی‌نینگ خاص خبرچیسی و تشقی ایشلر وزیرلیگی‌نینگ اقتصادی همکارلیک‌لر اورین باسری صفتیده فعالیت قیلگن.
رشیده طلیب
فلسطین‌لیک عیال رشیده طلیب، امریکا قوشمه ایالت‌لری‌نینگ میشیگان ایالتی‌دن دموکرات‌لرنی نماینده‌سی صفتیده مذکور مملکت نینگ سنامجلسی ده یول تاپگن. اونینگ ایتیشیچه، بو مسؤولیت‌نی باشلش اوچون فلسطین‌لیک کییمی بیلن آنت ایچیشی ممکن.
خلق ارا اقتصادی جمغرمه تامانیدن بیریلگن معلومات اساسیده، میلادی 2018- ییل‌ده دنیا ییترلی درجه‌ده جنسیت آلیسلیگینی تجربه قیلگن. اوشبو معلومات اساسیده، بو کم‌چیلیک سیاست ده 77%، اقتصاد ده 41.9%، اوقیش امکانیتی گه قول تاپیش‌ده 44% و ساغلیق‌نی سقلش بولیمیده 4.6% گه ییتیشه‌دی.
شو توغریده…
8- مارچ و روسپی بیر عیال‌نینگ حکایه‌سی
