افغانستان‌ده عاموی اخبارات واسطه‌لری فعالیتی بیلن مشغول نی تشکیلاتی یقینده « افغانستانلیکلر ییتکرمه‌لردن بوتونلی معلومات آلاله‌می؟» نامی آستیده اورگنگن سوراو نتیجه‌سینی نشر قیلدی.
مملکت‌ده ییتکرمه‌لر فعالیتی بیلن مشغول نی اداره‌سی نینگ باشلیغی صدیق‌الله توحیدی نینگ سوزلریگه کوره، سوراوده قتنشگنلر ایچکی عاموی اخبارات واسطه‌لری‌نینگ خادملری دالضرب موضوعنی انیق روشده اورگه‌نیش اوچون هر تامانلمه سعی وحرکت آلیب باره‌دی؛ لیکن، مساله حکومت‌گه ییتگن حالده، موضوع تعقیب بولمه‌ی نتیجه‌سیز قاله‌دی دیگنلر.
جناب صدیقی بوگون (چهارشنبه )کونی خبر بیر ییغینده اشتراک قیلیب سوراوده قتنشگنلردن 55% مملکت‌ده‌گی اخبارات واسطه‌لری هنوز هم موضوعلرنی هر تامانلمه یاروتیش اوچون اونچه‌لیک اعتبار بیرمه‌گن لیکلریدن شکایت قیلگن‌لیکلرینی تیلگه آلگن.
آزاد اخبارات واسطه‌لری فعالیتی بیلن مشغول اداره نینگ باشلیغی گه کوره، سوراده فکر بیلدیرگنلرنینگ 13% ایچکی ییتکرمه‌لر مهم موضوعلرنی اورگه‌نیش اوچون لازم درجه‌ده سعی وحرکت قیله‌دیلر. لیکن، فکری اورگه‌نیلگنلرنینگ 31% ایسه مملکت‌ده یوز بیره دیگن واقعه‌لر امکان قدر ایچکی ییتکرمه‌لر آرقه‌لی یاروتیلمه‌یدی دیگنلر.
توحیدی‌نینگ تعبیریچه، معلوماتلر عاموی اخبارات واسطه‌لری آرقه‌لی درست شکلده یاروتیلگن تقدیرده، حکومت نینگ ایریم بولیملریگه اصلاحت کیلیش بیلن ترورچیلیک واقعه‌لر میزانی کمه‌یشیگه باعث بوله‌دی.
مذکور سوراو ییتکرمه‌لرنی تعقیب قیله دیگن 2900 کیشی اوستیدن اوتکریلگن. سوراو افغانستان‌ده گی خصوصی همده دولت بیلیم یورتلریدن علاوه بعضی بیر فعاللر بیلن قیلینگن مصاحبه اساسیده تیارلنگن.
