برقرارلیک و یقینلیک سیلاو تیمی نینگ ایتیشیچه، بایومتریک سیز آوازلر سیستمگه کیریتیلگن
عبدالله عبدالله رهبرلیگی‌ده بولگن یقینلیک و برقرارلیک سیلاو تیمی نینگ ایتیشیچه، بیرقطار گزارشلرگه کوره، سیلاو ایرکین کمیسیونیده وضعیت خواطرلی دیر.
اوشبو تیم نینگ ایکینچی اورین باسری اسدالله سعادتی نینگ کابلده خبری بیر ییغین آرقه‌لی ایتیشیچه، سلاو ایرکین کمیسیونیده بولگن قطار تشکیلاتلر جمهورلیک ریاست سرایی نینگ همکارلیگی بیلن خاص بیر تیم نینگ منفعتی‌گه ساخته‌کارلیک قیلیش اوچون سعی و حرکت قیله‌دی.
جناب سعادتی‌گه کوره، اولرگه کیلگن گزارشلرگه کوره، سیلاو ایرکین کمیسیونی بایومتریک سیز آوازلرنی معیار قرار بیرمس دن آواز بیریش ورقلرنی سیستم گه کیریتگن.
عبدالله عبدالله رهبرلیگی ده سیلاو تیمی اورین باسری نینگ ایتیشیچه، بو تیم‌دن بیرهیات وضعیت‌نی یخشی‌لنتیریش اوچون سیلاو کمیسیونی بیلن مذاکره قیله‌دی. او سیلاو ایرکین کمیسیونی‌دن «افغانستان نینگ بحران تامان کیتیشیگه توسیق بولیشی‌نی سوره‌گن.»
جناب سعادتی نینگ آگاه‌لنتیریشیچه، یقینلیک و برقرارلیک سیلاو تیمی اهالی آوازلریدن مدافعه‌چیلیک قیلیش اوچون هرقنده‌ی گزینه‌دن فایده‌لنه‌دی. اونینگ ایتیشیچه، بایومتریک سیز آوازلر اولر تامانیدن تَن آلینمه‌یدی.
جمهورلیک ریاست سیلاوی 6 میزانده یولگه قوییلدی و اوشبو سیلاونینگ دستلبکی نتیجه‌سی 27 میزانده اعلان ایتیلیشی ممکن. گزارشلرگه کوره، بو لایحه‌ده کینگ شکلده ساخته‌کارلیک یوز بیرگن.
