بوگون "سه‌شنبه" یشش محیطنی سقلش ملی اداره و حج و اوقاف وزیرلیگی بیر خبری ییغین آرقه‌لی کیلیشوونامه امضا قیلگن. اوشبو کیلیشوونامهگه کوره، مسجدلر اماملریدن 300 تهسیگه یشش محیطنی سقلش خصوصیده تعلیمات بیریله‌دی.
یشش محیطنی سقلش ملی اداره باشلیغی محمدیوسف حمیدیاننینگ ایتیشیچه، مذکور اماملر حج و اوقاف وزیرلیگی تامانیدن تانیتیلگن. حمیدیان گه کوره، مسجدلرنینگ اماملری یشش محیطنی سقلش و طبیعی منبعلر خصوصیده تعلیمات کورهدی و اوندن سونگ بو توغریده یشاوچیلرگه معلومات بیرهدی.
حج و اوقاف وزیرلیگینینگ اورین باسری عبدالحکیم منیبنینگ ایتیشیچه، ییش محیط خصوصیده معلومات بیریش مسجدلر اماملرینینگ مسوولیتلریدن دیر.
یشش محیطنی سقلش ملی اداره مسووللریگه کوره، کابلنینگ ییر آستی سوو باشقه ییللرگه قرهگنده کمهیگن و چیگری منطقهلرده بولگن یخچاللردن 30 فایزی سوو بولگن.
