افغانستان دولتی و طالبان گروهی آره‌سیده بولگن تینچلیک سوزلشوولر نینگ بیرینچی ییغینی باشله‌نیشی بیلن مملکت یشاوچیلری بوتوغریده فرقلی واکنش‌لر کورستگن.
کابل یشاوچی‌لریدن بیرقطاری افغانستان‌لیکلر ارا سوزلشوولر باشله‌نیشی‌نی خوش قرشی‌لب و اوشبو سوزلشوولر باشله‌نیشی بیلن اوروش یکونله‌نیشی و تینچلیک تامین‌لنیشیدن امیدوارلیک بیلدیرگن‌لر.
اولرنینگ ایتیش‌لریچه، مملکتده دواملی اوروش دن خسته بولگن‌لر و زوروانلیک‌لرگه نقطه قویلیشی‌نی ایسته‌یدیلر.
بیراق، کابل یشاوچی‌لریدن باشقه بیرقطاری، تینچلیک سوزلشوولرنی خوش قرشی لمه‌گن و بو جریانی مردمی بیلمه‌یدیلر.
اولر، نیچه ییل‌لیک یوتوقلر خصوصیده معامله قیلینیشیدن خواطر بیلدیرگن‌لر. اوشبو یشاوچی‌لرنینگ ایتیش‌لریچه، طالبان گروهی جمهوریت نظام‌نی نابود و اسلامی امارت نی نهادینه قیلیش اوچون سعی و حرکت قیله‌دی.
عین‌حالده، اوروش قربان‌لری نینگ نماینده‌لرینی تینچلیک سوزلشوولرده اشتراک قیلمه‌یشی‌گه شبهه‌لی دیر.
اولرنینگ ایتیش‌لریچه، مذاکره قیلیووچی هیات ده اوروش قربان‌لریدن یوق دیر. قربان بولگن‌لر عایله‌لری نینگ ایتیش‌لریچه، قاتل‌لرنی بخشش قیلیش اوچون هیچ‌کیم‌نی حقی یوق.
شونینگدیک، افغان عدالت ایسته‌ش اویوشمه‌سی قربان بولگن‌لر صورت‌لرینی نمایش‌گه قویش بیلن افغانستان‌لیکلر ارا سوزلشوولر باشله‌نیشی‌گه قرشی اعتراض بیلدیرگن‌لر.
اوشبو کورگزمه‌ده پارتلش، خودکش هجوم و اوروش‌لرده قربان بولگن‌لردن 4 مینگ صورت نمایش‌گه قوییلگن.
افغان عدالت ایسته‌ش اویوشمه‌سی باشلیغی ویدا احمد نینگ ایتیشیچه، تینچلیک سوزلشوولرده قربان بولگن‌لرنینگ قان‌لری بیلن معامله قیلینه‌دی و اوشبو ییغین نتیجه‌سی تینچلیککه قول تاپیش ایمس.
انسان حقوقی ایرکین کمیسیونی نینگ میدیالر بولیمی باشلیغی ذبیح‌الله فرهنگ نینگ ایتیشیچه، هرتامانلمه کیلیشوو زمینه‌سی طالبان گروهی و افغانستان حکومتی تامانیدن یره‌تیلیب و قربان بولگن‌لرنینگ ایستکلری سوزلشوولر اصلی بولیم بولیشی لازم.
افغانستان دولتی و طالبان آره‌سیده بولگن تینچلیک سوزلشوولرنینگ باشله‌نیش ییغینی بوگون "شنبه" قطر باشکنتی دوحه ده باشلندی.
