بوگون «یکشنبه» کابل‌ده اوتکزیلگن خبری بیر ییغینده تینچلیک عالی کینگشی‌نی دبیرخانه باشلیغی و جمهور رئیس نینگ منطقه‌یی تینچلیک ایشلری بوییچه مصلحتچیسی عمر داوودزی نینگ ایتیشیچه، طالبان گروهی بیلن تینچلیک سوزلشوولرینی آلغه آلیب باریش هیأت نی تعیین قیلیش مقصد بیلن ایجاد ایتیلگن یره‌ش رهبرلیک کینگشی توغریسیده بحث قیلیش حکومت نینگ بیرینچی ایشی ایمس، بلکیم تینچلیک مصلحتی قورولتای نی یولگه قوییش بیرینچی ایش بولگن.
تینچلیک عالی کینگشی‌نی دبیرخانه باشلیغی‌گه کوره، یره‌ش کینگشی حاضرگه‌قدر 3 رسمی ییغین یولگه قویگن، بیراق ییغین‌لرده کینگش اعضالری خصوصیده کیلیشوو صورت تاپمه‌گن.
داوودزی نینگ کوپه‌یتیریشیچه، تینچلیک قورولتای‌دن سونگ، تینچلیک خصوصیده حکومت فکری بیللی بوله‌دی.
عین‌حالده، جمهورلیک ریاستی سوزلاوچیسی نینگ اورین باسری شاه‌حسین مرتضوی‌نینگ سلام‌وطندارگه ایتیشیچه، افغانستان اهالیسی‌نینگ ملاحظاتی قبول ایتیلگن صورتده، حکومت قطرگه هیات یوباره‌دی.
افغانستان‌لیکلر آره‌سیده بولگن تینچلیک سوزلشوولرنی جاری میلادی آی نینگ 19 دن 21 گچه قطرنینگ دوحه شهریده یولگه قوییلیشی ممکن ایدی، بیراق قطر حکومتی تامانیدن لغو ایتیلدی.
