بوندن 3 آی آلدن داعش گروهی تامانیدن اوغیرلنگن 65کیشیدن فقط 5 کیشیسی 2 کون آلدین قوییب یوباریلگن. پچیراگام تومنی نینگ یشاووچیلری، داعش توده‌سی مذکور بیش کیشی نینگ ساغلیق وضعیتی یخشی بولگن لیگی باعث آزاد قیلگنلر دیگنلر. اولرنینگ سوزلریگه کوره، اوغیرلنگنلر قوییب یوباریلیشی اوچون حکومت موفق بولمه‌گندن کیین قوم بویوکلری مذکور شخصلر قومی جرگه آرقه‌لی آزاد ایتیلیشی اوچون سعی و حرکت قیلگنلر.
شونینگدیک داعش جنگریلری واسطه چیلیک قیلیش اوچون بارگن قوم یاش اولوغلریدن 20 کیشینی هم گروگاگه آلگن لیگی ایتیله‌دی.
ننگرهار ولایتی والیسی نینگ سوزلاووچیسی عطاالله خوگیانی بو توغریده‌گی بوتون ادعالرنی رد قیلیب، اوشبو 5 کیشی هم هیچ قنده‌ی بیر شرط سیز آزاد ایتیلگنلر دیگن.
عین حالده، بوندن ایکی هفته آلدین هم ننگرهار ولایتی هسکه‌مینه تومنی نینگ بیر مدرسه‌سیدن 12 کیشی دین عالمی هم داعش جنگریلر طرفیدن آلیب کیتیلگن ایدی. بو کیشیلر حقیده هنوزگچه انیق خبر قولده ایمس.
