.JPG)
هلمند ولایتی‌نینگ دیورند چیزیغی یقینی‌ده جایلشگن ولایت‌نینگ گرمسیز تومنیده کوکنار ایکیب چیقاریش اوتگن ییل‌لرگه قرهگنده اوچ برابر کوپیگن. مذکور ولسوال‌لیک‌نینگ اهالیسی اوتگن ییل‌گه کوره اوشبو تومنده کوکنار ایکیش دییرلی کوپیگن دیگن‌لر.
قوم یاش اولوغ‌لریدن حاجی توریالی نینگ سوزلریگه کوره، اوتگن ییل مذکور تومن‌نینگ ایکینچی‌لری 5مینگ هکتار ییرده کوکنار ایکن‌لر؛ لیکن، بو ییل ایسه تومن‌نینگ دهقان‌لری 15 مینگ هکتار ییرده کوکنار ایکن‌لر.
حاجی توریالی سوزلریگه قرهگنده، تومنده کوکنار ایکیش میزانی آشگن‌لیگی دهقانلرگه کومک قیلیش‌دن علاوه خوف‌سیزلیک اوچون هم ایجابی تاثیری بار.
گرمسیز ولسوال‌لیگی درویشان منطقه‌سی‌نینگ یشاووچی‌لریدن محمد افضل لالاولی جان، مذکور تومنده کوکنار ایکیش اوچ برابر آشگن دیگن. اونگه کوره، کوکنار ایکیش میزانی آشگن‌لیگی ولایت‌نی نابرقرار قیلیش، پولیس‌نی معماگه روپه ره قیلیش همده طالب‌لر اوچون ییریک منبع حسابلنه‌دی.
شونینگ‌دیک اهالی تومن‌نینگ خلقی‌گه حکومت یاردم کورستمس‌لیک‌دن تشقری ایریم پیت‌لرده، پولیس کوچلرینی دهقانلرگه همکارلیک قیلیش‌ده عیب لیدی دیگن‌لر. پولیس اوتگن ییل هر بیر جریب ییرده ایکیلگن کوکنار ییرلرینی بوزیب تشلمه‌گنلیگی اوچون دهقانلردن 250 افغانی آلگن لیگی ادعا ایتیلگن.
.JPG)
عین حالده، گرم‌سیر تومنی‌نینگ خلقی حکومت اهالی‌نی ایش جایی بیلن تامین قیلمه‌گن حالده، دهقانلر تریاک ایکیش‌گه مجبور بولیش‌لری ایتیله‌دی.
ایتلیشیچه، تومن‌نینگ ولسواللی همده امنیه قوماندانی اوتگن ییل ولسوال‌لیک‌ده‌گی تریاک ییرلرینی بوزیب تشلمه‌گن لیگی سبب میلیونلب پاکستان کلداری قول‌گه کیریتگنی باعث ایشدن آلینگن ایدی؛ اما، قیسقه مدتدن سونگ قیته وظیفه‌سی‌گه آلینه‌دی بو شخصلر. بیراق، تومن‌نینگ ولسوالی همده امنیه قوماندانی بو ادعالرنی رد قیلگن.
سلام طندار بیلن صحبت اوتکزگن گرم‌سیر تومنی‌نینگ ولسوالی ایوب عمر عمریگه کوره، اوتگن ییل‌گه قرهگنده بو ییل کوکنار ایکیش میزانی آشگن. دهقان‌لرنینگ تریاک ایکیش‌گه یوز کیلتیرگن‌لیک‌لری‌نینگ بیرینچی سببی ایسه دنیا جماعه‌چیلیگی اهالی‌گه بیرگن وعده‌سیگه عمل قیلمه‌گن‌لیگی دییلگن.
عمر، هنوزگچه کوکنار توغریسیده ولایت مقامی گه معین تکلیف‌نی اورته گه قویمه‌گن لیکلرینی بیلدیرگن. ولسوال، ولایت والیسی نیمه بویروق بیرگن حالده، اوشن‌گه عمل قلیشلریدن سوز بیرگن.
گرم‌سیر تومنی‌نینگ امنیه قوماندانی تیمورشاه، جاری ییل‌ده بو تومنده کوکنار ایکیلگن‌لیگینی تصدیق‌له‌گن. بیراق، او قنچه ییرده تریاک ایکیلگن‌لیگی حقیده انیق معولومات بیرمه‌گن.
تیمورشاه، تریاک شیره‌سینی قول‌گه کیریتیش اوچون وقتی یوق، بلکه وظیفه‌سی امنیت‌نی تامین قیلیش بولگنی‌نی تیل‌گه آلگن.
اما، ولایت مخدر ماده‌لرگه قرشی کوره‌شیش اداره‌سی‌نینگ باشلیغی سیدحمد ورور، ولایت بویلب 8 مینگ جریب ییرده کوکنار ایکیلگن‌لیگینی بیلدیرگن.
پاکستان بیلن چیگره‌داش هلمندولایتی‌نینگ گرم‌سیر تومنیده 120 مینگ جریب ایکین ییر بارلیگی تخمین ایتیلگن.
