افغانستان ملی بیرگهلیک حکومتی آرقهلی تکلیف ایتیلگن 18 نامزد وزیر قوشیمچه، مملکت ملی خوف سیزلیک اداره سی باشلیغی اوچون نامزد رئیس بوگون ملی مجلسدن ایشانچ رای آلیش اوچون پارلمان کیلگن ایدیلر. بو نامزد وزیرلردن بیش ته سی عدلیه وزیرلیگی نامزدی احمد سیر مهجور، ایش و اجتماعی وزیرلیگی نامزدی سادات نادری، مخدر مادهلرگه قرشی کورهش نامزد وزیری فیض الله کاکر، اخبارات و مدنیت وزیرلیگی نامزدی آیسلطان خیری، شهر قوریش ایشلری بوییچه وزیرلیک نامزدی شاه زمان میوندیلر ایکی وطنداش لیکلری سبب رویخطدن چیقاریلگن ایدی. حکومت قیتهدن اخبارات و مدنیت وزیرلیگی اوچون عبدالباری جهانینی وعدلیه وزیرلیگی اوچون نجیب آقا فهیمنی نامزد صفتیده تنیشتیردی. اوشبو نامزد وزیرلر ملی مجلسگه اوز برنامه لرنی تقدیم ایتمهگن لیکلری سبب، بولر اوچون پارلمانده رای صندوغی قوییلمهدی.
نمایندهلر مجلسی نینگ بوگون که عمومی ییغینیده ملی خوف سیزلیک ادارهسی نینگ عمومی باشلیغی اوچون نامزد رئیس رحمت الله نبیل 145 ایجابی آواز، 58 سلبی رای، 22 رد آوازی و 9 آق رای قول گه کیتریش بیلن ملی امنیت رئیسی صفتیده تنلندی. ملی مدافعه وزیرلیگی اوچون نامزد شیر محمد کریمی 96 ایجابی آواز، 112 سلبی آواز، 26 آق رای و 7 باطل رای بیلن مجلس تامانی دن رد قیلیندی. تشقی ایش لر وزیرلیگیگه نامزد صلاح الدین ربانی 151 ایجابی رای، 70 رد آواز 12 آق رای 9 باطل آواز بیلن مجلس آرقه لی اوشبو وزیرلیک اوچون تصدیقلندی. ایچکی ایشلر وزیرلیگی اوچون نامزد نورالحق علومی 131 ایجابی رای، 91 رد آواز 15 آق رای و 6 باطل رای بیلن ایچکی ایشلر وزیری صفتیده تیعن ایتیلدی. اقتصاد وزیرلیگیگه نامزد استاد سردار محمد رحمن اوغلی 104 رای ایجابی، 103 رد رای 27 آق آواز و 9 آق رای بیلن مذکور لوازمگه ایریشیش اوچون موفق بولمهدی. مالیه وزیرلیگیگه نامزد بولگن اکلیل حکیمی 128 ایجابی رای، 86 رد آواز، 21 آق رای و 7 باطل آواز بیلن مذکور وزیرلیگ اوچون تعین ایتیلدی. ساغلیقنی سقلش وزیرلیگی اوچون نامزد فیروز الدین فیروز 170 ایجابی رای، 54 رد آواز، 12 آق رای و 4 باطل آواز آلیش بیلن مذکور وزیرلیک لوازمینی ایگلهدی. عالی تحصیلات وزیرلیگی اوچون نامزد وزیر خاطره افغان 71 ایجابی رای، 146 رد آواز، 21 آق رای و 3 باطل راینی آلیش بیلن اوشبو وزیرلیک اوچون موفق بوله آلمهدی. شونینگ دیک محمدگل زلمی یونسیهم 90 ایجابی رای، 123 رد آواز، 21 آق رای و 9 باطل رای آلیش بیلن معارف وزیرلیگی اوچون موفق بوله آلمهدی. مخابرات وزیرلیگیگه نامزد وزیر برنا کریمیهم نمایندهلرنینگ 115 ایجابی رایی، 97 رد آوازی، 26 آق رای و 9 باطل راب کسب قیلیش بیلن کوزهله گن وزیرلیککه موفق بولمهدی. عامه فواید وزیرلیگی اوچون نامزد وزیرهم 85 ایجابی آواز، 131 رد آواز 19 آق رای و 8 باطل رای بیلن نمایندهلر تامانیدن رد قیلیندی. سید حسین عالمی بلخی 134 ایجابی رای، 87 رد آواز، 17 آق رای و 5 باطل رای آلیش بیلن قاشقینلر ایشلری بوییچه وزیرلیک لوازمیگه موفق بولدی. کانلر وزیرلیگی اوچون نامزد وزیری داوود شاه صبا 146 ایجابی رای، 74 رد آواز، 13 آق رای و 10 باطل رای قولگه کیرتیش بیلن پارلمان تامانیدن اوشبو زویرلیککه تعین ایتیلدی. عین حالده، نصر احمد درانی 145 ایجابی رای، 71 رد رای، 19 آق رای و 5 باطل رای آلیشگه موفق بولیب قیشلاقلرنی رواجلنتیریش وزیری صفتیده تعین ایتیلدی. سوو برق وزیرلیگی اوچون نامزد وزیر عبدالرحمن صلاحی 106 رای ایجابی، 109 رد آواز 4 باطل رای آلیش بیلن مذکور وزیرلیک اوچون موفق بولیشمهدی. باشقه تاماندن مملکت تجارت وزیرلیگی اوچون نامزد وزیری سردار محمد رحیمیهم 111 رای ایجابی، 102 سلبی رای، 20 آق رای و 9 باطللر بیلن پارلمان تامانیدن رد قیلیندی. حج و اوقاف وزیرلیگیگه نامزد وزیر فیض محمد عثمانی 160 ایجابی، 61 رد آواز، 17 آق رای و 5 باطل رای بیلن حج و اوقاف وزیرلیگیگه موفق بولدی. ترانسپورت وزیرلیگی اوچون نامزد فیض الله ذکی 81 ایجابی رای، 133 رد رای، 25 آق رای 4 باطل آواز بیلن ملی مجلس آرقهلی رد قیلیندی. قبیلهلر و چیگرهلر وزیرلیگی اوچون نامزد وزیر قمر الدین شینواری 102 ایجابی رای، 112 رد آواز، 22 آق رای و 7 باطل رای آلیش بیلن اوشبو وزیرلیککه موفق بوله آلمهدی. ایتیلیشیچه، بو ییل بیرینچی مرته 243 وکیل دن عبارت مجلس نینگ اعضاسی آواز بیریش لایحه سیده اشتراک قیلگن. ملی مجلس نینگ اداری هیاتی اوشبو شرایطدن فایده لهنیب 1394- ییل مالی بودجهسی شامل باشقه ایکی قانوننی هم تصدیق لهدی.
