آنه تیل ملت روحی

آنه تیلی- ملت نینگ اساسی بیلگی‌لریدن بیری. دنیاده خلق‌لر کوپ، هر بیر خلق، اولا اوز تیلی، ملی عرف و عادتی و عنعنه‌لری، اوزیگه خاص تورموش طرزی بیلن اجره‌لیب توره‌دی. بنابرین، خلق نینگ ملت نینگ اوزلیگینی نمایان قیلیش‌ده تیل نینگ اورنی و اهمیتی بی‌حد و بی قیاس. اوزلیکنی انگلش، ملی آنگ و تفکرنینگ افاده سی؛ اولادلر اورته سیده‌گی روحی- معنوی باغلیق‌لیک تیل آرقلی نمایان بوله‌دی. جمعی ایزگو فضیلتلر انسان قلبی‌گه، اولا، آنه اله سی، آنه تیل نینگ بی‌تکرار جذبه‌سی بیلن سینگیه‌دی. آنه تیل بو ملت نینگ روحی‌دیر. اوزبیک خلقی عصرلر دوامیده دنیا مدنیت، عموم بشری قدریتلر رواجیگه اولگن حصه قوشیب کیلماقده. بونده آنه تیلیمیزنینگ خذمتی کته. چونکه بو تیل بولسمه، محمود کاشغری نینگ "دیوانی الغات الترک" کتابی، احمد یسوی حکمتلری، علیشیرنوایی نینگ "خمسه سی" بابر میرزا نینگ "بابرنامه" سی، عبدالله قادری نینگ رمانلریو چولپان نینگ شعریتی یره تیلمه گن بولردی. شونینگ اوچون آنه تیلیمیز ملتیمیز روحی نینگ تمثالیگه ایلنیب کیلگن. آنه تیلی ایزگو فضیلتلر، یوکسک تویغولر منبعی. او انسان کمالاتیده بی تکرار اورین توته دی. چونکه آنه لریمیز بیزگه شو تیلده اله ایته دی، انسان اوچون حیاتی ضرور بیلیم و توشونچه لرنی تیل واسطه سیده آنگ و شعوریمیزگه سینگدیره دی، آداب و اخلاقی میز، فعل اطواریمیز، تیل آرقه لی بیریلگن اوگت و نصحت لر اساسیده شکللنه دی. اینیقسه، انسان تفکری نینگ شکلله نیشی بیواسطه تیل بیلن باغلیق. چونکه بیز بیرار- بیر نرسه نینگ خصوصیتلری حقیده اویلگنده هر بیری انیق بیر سوزده افاده سینی تاپگن توشونچه لر، فکر و تصورلرگه تینگن حالده اونینگ اوزیگه خال تامانلرینی انگلیمیز. مثلاً، درخت نینگ یاشلیگینی اجره تیش اوچون یشیل دیگن سوزنینگ معناسینی بیلگن بولیشیمز کیره ک. سوزنی، عین تیلنی بیلگنیمیز سری بیر دنیانی هم یخشی راق بیلیب باره میز، فکریمیز اساسیده، آنگیمز یوکسله دی. آنه تیل کهنه تاریخیمیز، حیات بخش قدریتلریمیز، دین و دنیامیز، اخلاقیمیزگه خاص دنیا قره ش، حس- تویغولر مدنیت می، عینی تدریجی ترقیات نی کورسته دیگن، اجدادلر میراثینی اولادلرگه ییتکزه دیگن کوزگو دیر. شونینگ اوچون اوز تیلینی اوقیاتگن ملت اوزلیگیدن هم محروم بولمیدی. معنوی زوالگه یوز توتمیدی. تیل خلق نینگ، ملت نینگ اینگ بویوک قدریتلریدن بیری حسابلنه دی. شونینگ اوچون خلق نینگ آزادلیککه، اوزلیگینی انگلب ییتیشگه اینتیلیشده تیل نینگ قدرینی تیکلش نفوذینی آشیریش مهم اورین توته دی. علیشیر نوانی نینگ تیموریلر دوریده اوزبیک تیلی نینگ آبروی اوچون کوره شگنی هم شوندن دلالت بیره دی. شو بیلن بیرگه، آنه تیلیمیزنینگ امکانیتلریدن کینگ فایده له نیش، اونینگ خلق ارا میدانده گی آبرو- اعتباری و نفوذینی یوکسلتیریش، اینگ زمانوی ساحه و ترماقلرده فعال قولله نیشنی تامینلش بوییچه کوپگینه ایشلرنی عملگه آشیریمیز لازم. انه شو جریاینده اشتراک ایتیش آنه تیلیمیزدن بهرمند بولیب، وایه گه ییتگن. شو تیل آرقلی اوزینی، اوزلیگینی، بوتون دنیانی تنیگن انسانلر صفتیده سیز و بیزنینگ هم فرزندلیک بورچی میزدیر. اوزبیک تیلی دنیانینگ اینگ قدیمی و بای تیللریدن بیری دیر. بو تیل نینگ بی قیاس امکانیتلری قدیمی تاش بیتیکلرده، خلق میزنینگ زمانلر سیناودن اوتیب کیله یاتگن مقال و حکمتلی سوزلری، بیتکرار عبارتلر، قوشیق و داستانلریده اوچره تیش ممکن. آنه تیلنی سیویش وطن پرورلیک بیلگیسی، اجدادلر روحیگه حرمت رمزی. اوز تیلینی اسره ب اویلشگن خلق اوزلیگینی، غرورینی اسره ب – اویله گن بوله دی. شونی ایسده توتینکی، آنه تیلیمیزده خلقیمیزگه خاص حس- تویغولر، توشونچه و تصورلر، عرف و عادت همده عنعنه لر چقورعکس ایتگن. اولردن فقط اوزبیک تیلی آرقه لی افاده ایتیش ممکن. چونکه بو توشونچه کوپراق بیزنینگ خلقیمیزگه خاص و اولرنی بیان ایتیشگه هم فقط شو خلق نینگ تیلی قادر. بیر سوز بیلن ایتگنده، آنه تیلمیز خلقیمیز دلی نینگ توبیده بولگن اینگ مرکب تویوغو و توشونچه لرنی هم افاده ایته آله دی. چونکه بو تیل نیچه عصرلر، مینگ ییللر دوامیده شو خلق بیلن بیرلیکده شکللنگن. شونینگ اوچون هم آنه تیل نینگ ملت روحی دیمیز. آنه تیلگه بولگن محبت، اولا، هر بیر سوز نینگ معناسینی چقور انگله گن حالده ایشله تیش، اونی یخشی بیلیش، اسره ش – اویلیش کبی فضیلتلرده کورینه دی. شوندی قیلیب، آنه تیلنی بیلیش او بیلن غرور فخر قیلیش ملی معنویت، اوزبیک افاده سی بولسه، باشقه تیللرنی بیلیش مدنیت بیلگی سی قوشیمچه بیلیم قورالیگه ایگله بولیش دیر.