.jpg)
اوشبو بُوران بوگون ایرته‌لب بلخ ولایتیدن باشلندی و کیچ قورونگچه مملکت شمال شرقی و شمالی ولایتلری بغلان، سمنگان، قندوز، تخار و باشقه ایریم حدودلرنی باسیب اوتگن.
بُوران کوچی حاضرگه قدر مملکت هوا شناسلیک اداره‌سی تامانیدن اعلان ایتیلمه‌گن. بیراق اوشبو طبیعی واقعه، مذکور ولایتلر اهالیسی‌نی ایریم قیین‌چیلیک‌که روپه ره قیلگن.
شمالی ولایتلر اهالیسی، اوشبو بُوران حاضرگی کوچی بیلن دوام ایتگن حالده، اهالی گه کوپلب زیان ییتکیزیشی امکان دن اوزاق ایمس دیگنلر.
اوشبو بُوران باشلنگنی‌دن کیین، مذکور ولایتلرنینگ ایریم حدودلری برقی کیسیلگن لیگی ایتیله‌دی. بو ولایتلرنینگ دوکانلری و سودا مرکزلری یاپیلگن و اهالی اویدن چیقه آلمه‌یدی.
.jpg)
بغلان یشاوچیلریدن بیری محراب‌الدین سلام‌وطندارگه ایتیشیچه، حاضر اوشبو ولایت فضاسی توپلنگ بیلن قاپلنگن و بو ولایت هواسی توندیک بولیب و موترلر خیابانلرده توخته تیلگن.
عین حالده، قندوز یشاوچیلریدن بیری غلام حضرت، مذکور ولایت‌ده یوزبیرگن بُوران جریانیدن کورگن نرسه‌لرینی بونده‌ی حکایه قیلدی.
«بوران قندوز ده اوتگن کیچه‌دن باشلندی، توپراق یامغیر کبی یاغه‌دی. اهالی گه کوپلب زیان ییتکیزگن، عادی کونلردیک اویدن چیقه آلمه یدیلر، چیقیش جوده هم قیین، بوگون کیمسه چیقمه‌گن، دوکانلر هم یاپیلگن.»
شونینگدیک، مزارشریف یشاوچیلریدن بیری ذبیح الله نینگ سلام‌وطندارگه ایتیشیچه، بلخ ولایتی‌ده یوز بیرگن بُوران بوگون ایرته‌لب باشلنگن و نتیجه‌ده برق جریانی هم کیسیلگن و اوشبو ولایت اهالیسی کوپ قیینچلیکلر دوچار لر دیدی.
اوشبو بُوران دوامی و کوچلیلیگی توغریسیده مملکت هوا شناسلیک اداره‌سی فکرینی اورگه‌نیش اوچون آلیب بارگن حرکتیمیز نتیجه بیرمه‌دی.
