چارواکي وايي، له تېرې شپې راهیسې د دې ولایت په چپېدرې ولسوالۍ کې د داعش او طالبانو ترمنځ جګړه روانه ده چې دواړو لوریو ته پهکې مرګژوبله اوښتې ده.
د کونړ د والي ویاند غني مصمم سلام وطندار ته وویل، دا جګړه تېره شپه د چپېدرې ولسوالۍ په ورسک نومې سیمه کې پیل شوې چې تر اوسه پهکې ۱۲داعشیان وژل شوي. د ده په وینا، ښايي دا شمېر نور هم لوړ شي.
دی وايي، د طالبانو ته د اوښتې مرګژوبلې په اړه معلومات نهشته.
ښاغلی مصمم زیاتوي، لا هم سیمه کې جګړه شته؛ خو تراوسه دوی ته د ملکي وګړیو د مرګژوبلې او د سیمو نیولو راپور نهدی ورکړل شوی .
د کونړ د امنیې قوماندانۍ یو چارواکي هم د نوم نه ښودلو په شرط تاييد کړې چې چپېدرې کې د داعش او طالبانو ترمنځ جګړې روانې دي؛ خو د تلفاتو په اړه یې دقیق معلومات نهلري.
هاخوا د ۲۰۱ سېلاب قولاردو یوې خبرپاڼې کې هم د دې جګړې پخلی شوی؛ خو د مرګژوبلې د کره معلوماتو په اړه یې څه نهدي لیکلي.
د چپېدرې ولسوالۍ اوسېدونکی ضیاالرحمان سلام وطندار ته وویل، بېګا شپه داعش ډلې د دې ولسوالۍ په ورسک نومې سیمه کې د طالبانو پر یو مرکز برید کړیو چې دوه طالبان پهکې وژل شويوو او له هماغه وخته تراوسه د دواړو غاړیو ترمنځ نښته روانه ده.
دی همداراز زیاتوي چې دواړو لوریو ته د اوښتې مرګژوبلې کره شمېره نهلري.
لهدې مخکې هم د کونړ په مختلفو غرهییزو سیمو کې د داعش او طالبانو ترمنځ خپلمنځي نښتې شوېدي چې ځېنو سیمو کې پرې داعش او ځېنو کې طالبان غالب شوي.
تراوسه د چپېدرې جګړه کې د حکومتي ځواکونو د دخالت راپور نهدی ورکړل شوی.
دواړو وسلهوالو ډلو تر اوسه پهدې تړاو رسنیو ته څه نهدي ویلي.
ورته مطالب:
په هلمند کې د طالبانو او داعش تر منځ درنه جګړه روانه ده
په غور کې د طالبانو او داعش ترمنځ جګړه کې ۹ وسله وال وژل شوي
په ۱۰۰ میلیونو افغانیو باندې د طالبانو او داعشیانو نښته او ګڼه مرګژوبله
