.jpg)
د هرات روباټ جوړوونکيو نجونو د مصنوعي تنفس دستګاه جوړه کړې ده چې له دې وړاندې خلکو ليکلي و چې هرات ولایت کې د کورونا ويروس د خپرېدو د ډېروالي له کبله داسې دستګاوو ته اړتيا لري.
د ياد ولايت سيمهييز مسوولان وايي چې دوی له یادو نجونو غوښتي وو چې داسې يوه دستګاه جوړه کړي چې دې کار لپاره پنځه ټيمونو هڅې پيل کړې.
د هرات روباټ جوړوونکيو نجونو د ټيم مسووله فريده نېکپور سلاموطندار ته وايي، دا جوړه شوې دستګاه به ډېر ژر وزامايي او وايي چې دا دستګاه اوس ميخانيکي کار کوي؛ خو تر دوه اوونيو پورې يې د مصنوعي هوښ طرحه امريکا کې د «امایټي» پوهنتون په مرسته جوړېږي.
نوموړې وايي، ياده دستګاه په اسانۍ سره لېږدول کېږي او تر لس ساعتونو پورې پر بټريو له برښنا پرته کار کولای شي.
د مصنوعي تنفس هرې دستګاه باندې ۳۰ زره افغانۍ لګښت راځي.
د هرات د ولايتي شورا غړی مهدي حدید وايي چې دا دستګاه به نن وازمايل شي.
