د افغانستان د حقوقپوهانو ټولنې نن کابل کې د اساسی قانون د تصویب پنځلسمې کلیزې په مناسبت خبري غونډې ته وویل، د تاریخ په اوږدو کې له اساسي قانونه تر ټولو ډېرې سرغړونې اوسني حکومت کې شوي.
د حقوقپوهانو ټولنې غړی سبحان مصباح وايي، د ملي یوالي حکومت چارواکیو د اساسي قانون له ۱۶۲ مادو څخه ۱۲۲ مادې تر پښو لاندې کړېدي.
نوموړی د دې ورځې نمانځلو پرځای دا ورځ د اساسي قانون لهپاره د ماتم ورځ بولي او زیاتوي، د اساسي قانون زیاتره مادې د افغان چارواکیو لهخوا نقض شوېدي.
په همدې حال کې د حکومت اجرایوي رییس د ملي یوالي حکومت کې اساسي قانونه سرغړونه مني او وايي، حکومت د قانون پلي کولو ته ژمن دی.
ډاکترعبدالله عبدالله د اساسي قانون د پنځلسمې کلیزې نمانځلو په تړاو یوې بلې غونډې ته وویل، په څو میاشتو ځنډ سره د ولسمشرۍ ټاکنو کې کول ـ چې د حقوقپوهانو ټولنه یې د اساسي قانون نقض بولي ـ د سیاسي مصلحت لهپاره نه بلکې، د رڼو ټاکنو په موخه پورته شوی.
د هغه په وینا، د یو شمېر ادارو لغوه کول هم د تقنیني فرمان په اساس شوي او پهدې تړاو به د اساسي قانون د پلي کولو څار کمېسیون سره یو ځای کار وکړي
د اساسي قانون د تصویب پنځلسمې کلیزې نمانځغونډې ته د اساسي قانون د پلي کېدو څار کمېسیون رییس قاسم هاشمزي وویل، دوی د اساسي قانون پلي کولو کې ګڼو ستونزو سره مخ دي او د دولت درېګونې قواوې باید دوی سره د ستونزو په حل کې مرسته وکړي.
