کنر ولایتی محلی رسمی‌لری‌نینگ ایتیشیچه، بوگون "چهارشنبه" مذکور ولایت دانگام تومنی‌نینگ دیورند چیزیغی یقینیده‌گی منطقه‌لری پاکستان تیک اوچرلری تامانیدن هدف گه آلینگن.
کنر حاکمی‌نینگ اروین باسری گل‌محمد بیدار، اوشبو موضوع نی مرکزی حکومت ییریک رسمی‌لری بیلن شریک قیلگنینی بیلدیرگن. اونینگ ایتیشیچه، مذکور هجوم تینچ اهالی بولمه‌گن منطقه‌لرده عمل‌گه آشیریلگن.
کنر حاکمی اورین باسری‌نینگ ایتیشیچه، اوتگن کوندن بویان پاکستان تیک اوچرلری دانگام تومنیده 3 یوز راکت آتگن و 11 کون جریانیده 3 یوز عایله بدرغه بولگن.
دانگام تومنی‌نینگ قوم بویوک‌لریدن ایکی کیشی حاجی فاتح و تازه‌خان نینگ سلام‌وطندارگه ایتیشیچه، پاکستان تیک اوچرلری مذکور تومن‌نینگ لیتی، شونتومنزی، چاقوری و باشقه منطقه‌لرنی هدف قرار بیریب و پاکستان بیرقینی چیگره‌نی بو تامانیدن قوندیرگن.
عین‌حالده سلام‌وطندارگه صحبت بیرگن چیگره کوچلری بیرینچی لوا قومندانی جنرال ایوب حسین‌خیل، مذکور منطقه هدف قرار بیریلگنیدن خبرسیز ایکنینی بیلدیرگن.
معلومات‌لرگه کوره، جاری هفته‌ده کنر ولایتی اوستیگه پاکستان حربی‌لری 1000 راکت آتیلگن و نتیجه‌ده 5 تینچ اهالی یره‌لنگن.
