شرقی کنر ولایتی‌دن کیلگن گزارشلرگه کوره، بوگون توشدن کیین پاکستان‌لیک چیگره قوروقچی‌لری ولایت ناری تومنی‌نینگ «دوکلام» منطقه سیده‌گی چیگره‌وی کوچلر ایکی پوسته‌سیگه هجوم اویوشتیرگنلر.
کنرولایتی کینگش اعضالریدن بیری ملک شیرزمین نینگ ایتیشیچه، پاکستان‌لیک چیگره قوروقچی‌لری‌نینگ هجومی‌دن کیین افغان چیگره‌وی پولیس کوچلری اولرگه قرشی اوق اوزگنلر.
کنر ولایتی کینگش عضوی‌گه کوره، محل یشاوچی‌لری افغانستان چیگره‌وی پولیس کوچلری‌گه یاردم بیریش اوچون بارگنلر، بیراق اردوکوچلری بوباره‌ده اره لشمه‌گن.
کنرپولیس باشقرویده‌گی آتی توتیلیشی‌نی ایستمه‌گن منبع نینگ ایتیشیچه، پاکستان‌لیک چیگره‌وی عسکرلردن بیری‌نینگ جسدی محل‌ده تاپیلگن‌لیگی بیلن بیرگه اولر، اوشبو عسکرنی افغان چیگره‌وی کوچلری اولدیرگن دیب توشونگن ایکنلر.
سلام‌وطندارنینگ کنرده‌گی محلی گزارشگری سفر ساپی‌نینگ اوروشده حضور تاپگن قوم آقسقاللری بیریدن نقل قیلیب ایتیشیچه، توقنه شوو بوگون توشدن کیین ساعت 2:30 ده باشلنگن و حاضرهم دوامی بار.
بوندن آلدین هم افغانستان و پاکستان چیگره‌وی کوچلری ارا توقنه شوولر روی بیرگن ایدی.
