 - Copy 1.jpg)
کنر ولایتیده نیچه ییلدن بویان اورمانلرکیسیلیشی و قاچاق ایتیلیشی دوام ایتماقده و شونینگ‌دیک حکومت حاضرگه‌قدر بو ایش‌گه توسیق بوله آلمه‌گن.
کنر محلی مقام‌لری، اورمانلرنینگ کیسیلیشی‌گه توسیق بولگن‌لرینی ادعا قیله‌دیلر؛ بیراق سلام‌وطندار اختیاریگه توشگن قطار حجت‌لرگه کوره، حاضرده نرنگ تومنی‌نینگ بادیل‌دره منطقه‌سیده اورمانلرنینگ کیسیلیشی دوام ایتماقده.
بو حجت‌لر نرنگ تومنی‌نینگ یشاوچیلری تامانیدن سلام‌وطندارنینگ اختیاریگه قرار بیریلگن و قطار دولت رسمی‌لرینی هم مذکور حجت‌گه آت‌لری بار.
کنر ولایتیده مخابرات اداره‌سی باشلیغی سیداحمد مددزی‌نینگ آت‌ی اوشبو حجت‌گه کیریتیلگن، بیراق او بو موضوع‌نی توطئه عنوان قیله‌دی. اونینگ ایتیشیچه، مذکور منطقه حاضرده داعش گروهی‌نینگ نظارتی‌گه دیر.
نرنگ تومنی یشاوچیلریگه کوره، اوشبو تومن‌نینگ اورمانلری نیچه ییلدن بویان قوم بویوک‌لر تامانیدن حفاظت ایتیله‌ریدی؛ بیراق داعش گروهی و محل یشاوچی‌لری‌نینگ کیلیشوو اساسی‌گه 4 آی‌دن بویان اورمانلرنینگ کیسیلیشی قیته‌دن باشلنگن.
 - Copy 1.jpg)
عین‌حالده، کنر یشاوچیلریدن بیرقطاری‌نی اورمانلرنینگ کیسیلیشی‌گه توسیق بولیش اوچون محل مسووللردقت سیزلیگی‌دن تنقید قیلیب ایتیشیچه، محل مسووللر اورمانلرنی کیسیلیشی‌گه قوللری بولگن کیشی‌لرنی تانیدی؛ بیراق اولرگه قرشی هیچ‌قندی حرکت قیلمه‌یدی.
کنر حاکمی‌نینگ اورین باسری گل‌محمد بیدارنینگ ایتیشیچه، شونینگ‌دیک حجت‌لر اولرنی قولیگه هم توشگن و بو موضوع‌نی تیکشیره‌دیلر.
کنر محلی مسوولریگه کوره، اورمانلرنی کیسه‌دیگن‌لر و داعش گروهی‌گه قرشی عملیات یولگه قویلگن.
عین‌حالده، کنر ولایتیده ایکینچیلیک اداره‌سی رسمی‌لری‌نینگ ایتیشیچه، اوشبو ولایت نرنگ، مانوگی، اسمار و چپه دره تومن‌لریده اورمانلرنینگ کیسیلیشی دوام ایتماقده.
کنر اورمانلری مملکت اورمانلریدن 25% نی تشکیل بیره‌دی و حاضرده اوشبو ارومانلر دولت‌گه قرشی گروه‌لرنینگ اونملی مالی منبع‌لردن بیری سنه‌له‌دی.
.jpg)
