اداری فسادنینگ آغیر جنایت‌لریگه قرشی کوره‌ش عدلی و قضایی مرکزنینگ دستلبکی محکمه‌سی « کنر ولایتی‌نینگ نتیجه‌لرینی رویخط‌که آلیش فورم‌لر اوزگرتیریلگنی خصوصیده» سیلاولر ایرکین کمیسیونی نینگ سابق کمیشنرلریدن 7 ته‌سی و سیلاولر شکایت‌لرینی تینگلش کمیسیونی‌نینگ سابق اعضالریدن 3 ته‌سینی 5 ییل قماققه عیب‌لگن دیر.
سیلاولر ایرکین کمیسیونی نینگ سابق دبیرخانه باشلیغی احمدشاه زمان‌زی و بو کمیسیون سابق تکنالوژی و معلوماتی باشلیغی سیدابراهیم سادات بو توغریده قاره‌لاوچیلیک تامانیدن عیب‌لنگن ایدی، بیراق محکمه تامانیدن بی‌گناه تانیلگن‌لر.
سیلاولردن نظارت قیلیووچی نهادلر محکمه قرارینی عادلانه بیلمه‌یدیلر. اولرنینگ ایتیشیچه، سیلاولر ایرکین کمیسیون نینگ ولایتی مسووللری و سیلاولر ایرکین کمیسیون نینگ دبیرخانه مسووللرینی محکمه ایتیلیشی کیره‌ک.
افغانستان بوییچه شفاف سیلاو بنیادی یا-ده تیفا باشلیغی محمدنعیم ایوب‌زاده نینگ سلام‌وطندارگه ایتیشیچه، اداری فسادنینگ آغیر جنایت‌لریگه قرشی کوره‌ش عدلی و قضایی مرکزی نینگ دستلبکی محکمه‌سی سیلاولر ایرکین کمیسیون‌لری نینگ کمیشنرلری خصوصیده، عدالت‌لی ایمس بلکیم سیاسی حکم بیرگن.
افغانستان بوییچه ایرکین و عدالت‌لی سیلاو قوریلمه‌سی یا-ده «فیفا» نینگ اجرایی باشلیغی یوسف رشید نینگ سلام‌وطندارگه ایتیشیچه، اوتگن ییل یولگه قوییلگن سیلاولرده جدی قیین‌چیلیک‌لر بار ایدی و محکمه تامانیدن کته قضیه‌لرنی تیکشیریلیشی کیره‌ک ایدی.
.jpg)
افغانستان حقوقی ایش بیلرمان‌لریدن بیری غیور غیور هم محکمه حکمی‌نی سیاسی عنوان قیله‌دی.
بیراق، اعتراضچی نامزد صالح‌محمد صالح نینگ مدافعه وکیلی وحیدالله فرزه‌یی نینگ سلام‌وطندارگه ایتیشیچه، محکمه حجت‌لر و کمیشنرلرنینگ اعترافی اساسیده حکم بیرگن.
سیلاولر ایرکین کمیسیونی نینگ سابق باشلیغی گلاجان عبدالبدیع صیاد، بو کمیسیون سابق کمیشنرلری وسیمه بادغیسی، معاذلله دولتی، رفیع‌الله بیدار، عبدالقادر قریشی، حفیظ‌الله هاشمی و ملیحه حسن شونینگدیک، سیلاولر شکایت‌لرینی تینگلش کمیسیونی سابق باشلیغی عبدالعزیز آریایی، بو کمیسیون سابق کمیشنرلری حمیرا حقمل و عبدالبصیر فایز محکمه حکمی‌دن سونگ، قماقخانه‌گه انتقال بیریلگن‌لر.
